Нууц мэдээллийн уурхай

Сан-д мэдээлснээр Австралийн Брисбане хотын шүүх 35 настай эмэгтэй Роксана Эка Петерсд ухаан санаа нь давчидсан үедээ хүний амийг хөнөөсөн хэмээн 10 жилийн хорих ял өгчээ. Тэрээр хөрш болох 51 настай Грант Кассер гэдэг эрд хүчирхийлүүлсэн ч цагдаад хандалгүй нуужээ. Хэд хоногийн дараа хүчирхийлэгч эр гэрт нь ирж бэлгийн харьцаанд орохыг шаардаж эс зөвшөөрвөл охиныг нь хүчирхийлнэ хэмээн заналхийлжээ.

Энэ  заналхийллийг тэсээгүй эмэгтэй шууд хутга шүүрэн хүчирхийлэгч дайрчээ. Грант биеэ хамгаалж чадаагүй агаад улайрсан эмэгтэй түүний зүрх, хэвлий болон цавинд нь 60 удаа хутгалж хөнөөжээ. Улмаар бэлэг эрхтнийг нь тасадсан гэнэ. Эмэгтэй хүчирхийлэгчийг хөнөөгөөд цогцосыг нь машинаараа тээн хотоос гаргаж замын хажуугийн сувагт хаяжээ.

Гэсэн ч маргааш нь цогцос олдож мөрдлөг эхэлсэн байна. Цагдаагийнхан хэргийн эзнийг амархан олсон агаад Роксана ч хэргээ дор нь хүлээсэн. Хүчирхийлэгч эр нь цагдаагийн хяналтанд байдаг хар тамхичин агаад өмнө нь танхайрсан хэргээр нэг бус удаа баривчлагдаж байжээ. 
 

NUUTS.mn