Нууц мэдээллийн уурхай

Африкийн Кени улсын алдарт Масай-Мару дархан цаазат газрын байгаль хамгаалагч цагаан арьст Уйльяам Хофмайер ээлжит эргүүлдээ гарч яваад модны сүүдэрт унтаж байгаа масай овгийн анчныг олж харжээ. Ойрмогхон сүрэг арслан хэвтэж байхыг замдаа харсан байгаль хамгаалагч анчныг сэрээж аюулын тухай сэрэмжлүүлэх гэтэл санаанд оромгүй зүйл болжээ. Масай анчин агшин нум сумаа шүүрэн авч эгц урдаас нь харважээ. Байгаль хамгаалагчийг нүүрээ буруулах агшинд сум хацрыг нэвтлэн амаар нь гарсан байна.

Тэр дороо ам нь цусаар дүүрэхэд эргэн машин луугаа гүйжээ. Буугаа авахдаа масай анчин  нум сумаа ахин онилж байгааг хараад дээшээ хоёронтоо бууджээ. Буун дуунаар анчин эр зугтан алга болжээ.

Байгаль хамгаалагч ч машиндаа суун араас нь хөөж тэр хавийг цаг илүү самнасан ч олсонгүй. Эцэстээ цус алдсаар байсанд эмнэлэг явахаас өөр аргагүй болжээ.

Азаар сумыг хордуулаагүй байжээ.

Тэрээр болсон явдлыг амь насанд нь халдсан хэрэг хэмээн үзэж байгаа гэнэ.  Хофмайерын багийнхан сүүлийн зургаан жилийн турш хулгайн анчидтай хатуу тэмцэж нэлээдийг нь барьж цагдаад тушаасан. Өдгөө мөрдлөг эхэлсэн агаад масай овгийн удирдагчид цагдаад туслахаа амлажээ.

НУУЦ.мн