Нууц мэдээллийн уурхай

Ройтерд мэдээлснээр Америкийн Невада мужид албан ёсны зөвшөөрөлтэй долоон янхны газар эзэмшдэг Денис Хоф 72 насныхаа төрсөн өдрийн баярыг хэтрүүлж тэмдэглээд “ажилтныхаа” өвөрт зүрхний шигдээс өвчнөөр бурхан болжээ. Ийм явдал болсоныг талийгаачийн сайн найзын нэг, алдарт порно-од Рон Жереми хэвлэлийнхэнд мэдэгдсэн байна.

Хоф  төрсөн өдрийн баяраа өөрийн “Love Ranch South” хэмээх эмсийн хүрээлэнд тэмдэглэж зад наргижээ. Удтал наргисан эзнийг нэгэн өрөөнд орж амрах үед нь шинээр ажилд орсон Даша Дэйр гэдэг бүсгүй “үйлчилэхээр” очсон  ч удалгүй орилж хашгирсаар гарч иржээ.

Эмсийн хүрээлэнгийнхэн өрөөнд ороход эзэн нь аль хэдийн амьсгал хураасан байсан гэнэ. Менежерийх нь хэлж байгаагаар зүрхний шигдээс гэдэг нь бүрэн батлагдаагүй ч гадны нөлөөтэйгөөр амиа алдсан гэх мэдээллийг үгүйсгэжээ. Сонирхолтой нь  Невадагийн янхны газрын хамгийн босс улстөрд ороод байсан. Өнгөрсөн 6-рд мужийн Үндэсний Ассамблейд БННамаас сонгогдсон. Өдгөө  Америкийн төлөөлөгчдийн танхимд хүртэл нэр дэвшиж өөртөө “Парамтын Трамп” (The Trump of Pahrump) хэмээн нэр өгсөн. Тэрээр Америкийн эмсийн хүрээлэнгийн эзэд дундаас хэвлэлд хамгийн нээлттэй нэг нь байсан. 

Хофын эмсийн хүрээлэнд шуугиан тарьсан “Янхны үүр”  буюу “Cathouse” гэдэг баримтат киноны зургийг авсан.

Өөрөө “The Art of the Pimp” буюу “Биеийг үнэлүүлэх урлаг” ном бичсэн нь өргөнөөр борлогдсон.

Янхны газрын босс гурвантаа гэрлэж байжээ.

НУУЦ.мн