Нууц мэдээллийн уурхай

Тайланддаа нэртэй загвар өмсөгч бүсгүй Нутчанар Чайчань найз залуугийнхаа тухай цахимаар цацсан нь шуугиан дэгдээжээ. 22 настай нэрд гарч яваа тэрээр жирийн таксичин залуутай болзоод хоёр жил болж байгаа аж.

Азтай залуугийн нэрийг Утичаем Сэнгинун гэдэг агаад таксинд яваад өдрийн 500 бат/40000 төгрөг/-ын орлого олдог.

Бусад бүсгүйчүүдийн хувьд таагүй зүйл гэмээр найз залуугийнхаа санхүүгийн энэ талыг загвар өмсөгч огтхон ч тоодоггүй аж. Харин ч хичээж зүтгэж бас их ажилладагт нь баярлаж бахархдаг гэнэ.

-Бид хоёр олон талаараа өөр байж магад ч ганцхан зүйл нэгтгэдэг нь бидний дурлал юм. Бид хоёр бие биендээ хайртай. Би түүнийхээ иддэг хоолыг идэж, унтдаг өрөөнд нь унтдаг. Тэр миний төлөө, бидний төлөө ямар ч ажил хийхэд хэзээд бэлэн байдаг. Ажлаа маш их хичээж сайн ч хийдэг. Надад ийм хүнтэй хамт байх нь их аз жаргалыг мэдрүүлдэг-
Загвар өмсөгчийг хэнтэй болздогийг нь мэддэг найз нар нь салахыг олонтоо сануулан хэлж байсан гэнэ.

Харин бүсгүй хайртай хүнээ олж байгаа мөнгөөр нь хэмжиж үнэлж болохгүй гэж хариулдаг байжээ.  Цахимаар хайр дурлалаа цацсаны дараа загвар өмсөгчийг ТВ-гийнхэн урьж нэвтрүүлэгт оруулсан байна.

НУУЦ.мн