Орос амбан захирагч огцрохоосоо өмнө өөрийнхөө ОРШУУЛГЫГ улсын зардлаар хийх захирамж гаргажээ
Нийтэлсэн: 2018-10-13 10:34:11
.jpeg)
Оросын Курск мужийн амбан захирагчийн суудалд 18 жил заларсан Александр Михайлов энэ сарын 11-нд албан тушаалаасаа огцорсон тухай РБК -д мэдээлжээ. Тэрээр доороос гарсан шахалтаар бус харин дээрээс ирсэн дохиогоор л ажлаа өгсөн гэнэ.
.jpg)
-Мужийн төлөө үр ашигтайгаар хамтран ажилласан бүхэнд баярлалаа. Курск муж залуу удирдагчийн удирдлаган дор цаашид хөгжих ёстой-
Амбан захирагч огцрохоосоо нэгхэн хоногийн өмнө өөрийн тусгай хангамжийн талаар тусгайлан захирамж гаргажээ.
.jpg)
Захирамж ёсоор тэрээр мужийн албаны машиныг гурван жил унах, эхнэртэйгээ хамт жилд хоёр удаа Москва орох буцах зардлыг мужаар даалгах, мужийн шинэ захирагчтай дараалал хүлээлгүй шууд уулзах, мужийн Засгийн ордонд чөлөөтэй нэвтрэх, жилийн турш эдлэнгээ хамгаалалтанд байлгах гэнэ. Нас барвал оршуулгыг нь мөн л мужийн зардлаар хийлгэхээр оруулсан байна.
НУУЦ.мн
