Нууц мэдээллийн уурхай

Mirror -д мэдээлснээр Перу улсын нэгэн эр өмнө нь явж байгаагүй чиглэл, маршрутаар явахаар шийджээ. Ингээд цахимжсан эрин зуунд амьдарч байгаагийн хувьд "Google Maps" ухаж хотынхоо гудамж талбайн зургийг гарган чиглэлээ тогтоож байтал 2013 онд орсон нэгэн зураг анхаарлыг нь шууд татжээ. Гудамжны түшлэгтэй сандал дээр суусан эмэгтэй өвөр дээр нь дэрлэх эрийг ихэд халамжилах аж. Бүхий л гадаад төрхөөс нь дурлалт хос гэдэг нь илт.

Хэдий таван жилийн өмнөх зураг гэсэн ч мань эр сандал суугаа эмэгтэйн гадаад төрх, хувцсыг шууд таньсан агаад эхнэр нь байжээ.

Ийнхүү эхнэрээ олон жилийн өмнө өөрийг нь араар тавьдаг байсныг "Google Maps"-ын ачаар санамсаргүй олж мэдсэн байна. Хэдий цөөнгүй жилийн өмнөх явдал ч уурласан эр зургийг баримтжуулж аваад тэр дор нь эхнэр лүүгээ явжээ. Гэнэт баригдсандаа цочирдсон эхнэр нь удтал мэлзэж үгүйсгэсэний эцэст өөрийх нь янаг амрагийн явдлын зураг болохыг хүлээн зөвшөөрчээ.

Эхнэрээ өөрийг нь араар тавьдаг байсныг хүлээн зөвшөөрүүлсэний дараа мань эр салах өргөдлөө гаргажээ. Сонирхолтой нь эхнэр нь нууц амрагаа өвөр дээрээ хэвтүүлэн эрхүүлж байсан газар нь "Puente de los Suspiros de Barranco" буюу "Урт уужим амьсгаа авах гүүр"-ний хажууханд гэнэ.

НУУЦ.мн