Хотын даргын сонгуульд Хитлерийн эсрэг Ленин өрсөлдөж байна
Нийтэлсэн: 2018-10-07 02:12:19
Хэрвээ энэ хоёр нэр дэвшигчийн нэр онцгой содон байгаагүй бол Перу улсын Юнгар гэдэг жижигхэн хот дэлхийн анхаарлыг татахгүй байсан хэмээн El Universal –д бичжээ. Ирэх оны эхээр болох хотын даргын сонгуульд өмнө нь мээрээр ажиллаж байсан Хитлер Альба Санчес болон Ленин Владимир Родригес Вальверде нар өрсөлдөж байгаа аж. Хитлер нь 2011-2014 онд төв үзэлт “Перугийн боломж” намаас нэр дэвшин сонгогдож хотын даргын албыг муугүй хашсан гэнэ.
.jpg)
Харин өдгөө “Бид-Перу” намаас нэр дэвшиж байгаа аж. Тэрээр дэлхий дахинд хамгийн их үзэн ядагддаг хүний нэрийг авсан ч эцэг эхээ хүндэтгээд нэрээ солиогүй аж.
-Аав маань Хитлер гэж хэн болохыг сайн мэддэггүй байсан биз. Гадаад нэр болохоор нь шохоорхоод өгсөн гэж би боддог. Гэхдээ манай хотынхон намайг сайн Хитлер, зөв зүйл хийдэг хүн гэдгийг бүгдээрээ мэднэ-
Өмнөх сонгуульд тэрээр “Ард түмний дундаас төрсөн Хитлер” гэдэг уриатайгаар оролцон ялжээ. Өдгөө “Хитлер-Итгэл найдвар” гэсэн уриатай оролцож байна.
.jpg)
Харин сөрөг намаас нэр дэвшсэн Ленин Владимир Родригес Вальверде нь жинхэнэ коммунист-орос маягаар ажиллаж байгаа гэнэ. Тэрээр Хитлерийг нэр дэвшигчдийн жагсаалтаас хасуулахаар шүүхэд гомдол гаргасан ч амжилт олоогүй аж.
НУУЦ.мн
