Нууц мэдээллийн уурхай

Итали болон Европ  даяар “Италийн плебой”, “Риминигийн Ромео” хэмээн олон жил алдаршиж явсан, хүүхнүүдийн эрлэг болсон Маурицио Занфанти гэдэг азарган эр 63 насандаа хорвоог орхижээ. Тэрээр Зүүн Европоос ирсэн 23 настай жуулчин бүсгүйтэй энгэр зөрүүлж байгаад гэнэт хөдөлсөн зүрхний шигдээс өвчнөөр орон дотроо нас барсан. “Риминигийн Ромео” нь 1970 оноос 17 насандаа аялал жуулчлалын том төв болох далайн эргийн төрөлх хотынхоо нэгэн шөнийн зоогийн газарт зочин уригчаар ажиллаж эхэлжээ. Римини нь Европд алдартай, ялангуяа Швед, Норвеги зэрэг Скандинавын орнуудын жуулчдын ирэх дуртай хот гэнэ. Эмэгтэйчүүдтэй танилцах, өөртөө татах төрөлхийн авьяастай Маурицио нь сэтгэл татам инээмсэглэл, хараа булаам гадаад төрхөөрөө тэр дороо л жуулчин эмэгтэйчүүдийн дунд алдаршжээ.

Булчинлаг хүрэн бор биетэй, шаргал үстэй итали залуу өдөр нь жуулчин хүүхнүүдийг дагуулан явж хотоо танилцуулан далайд сэлээд орой нь эр хүний ер бусын хүч чадлаа гайхуулан жаргаадаг. Романтик орчин, сексийн жаргалыг гайхалтай мэдрүүлдэг тул учирсан жуулчин хүүхнүүд нь дахин энгэр зөрүүлэх гэж дараа жил нь заавал ирдэг болжээ.  Жуулчин эмэгтэйчүүд Маурициод “Риминигийн Ромео” гэдэг нэр өгч, аялалын “хөтөлбөрт”-өө нь азарган эртэй унтаж үзэхийг заавал оруулдаг байв.  Ялангуяа скандинав хүүхнүүдийг бүр хуйлруулдаг байсан тул Итали руу жуулчин явуулдаг Шведийн аялал жуулчлалын компаниудын суралчилгаанд хүртэл зургаа авахуулж байжээ. Зарим жуулчлалын компаниуд байрандаа  итали азарган эрийн цээж баримал, том зургийг хүртэл байрлуулдаг байсан. Ийнхүү тэрээр 63 хүртэл насандаа нийтдээ 6000 гаруй эмэгтэйтэй унтсан гэсэн тооцоо гарчээ. Амжилтынх нь ид “оргил” үед аялал жуулчлалын зуны гурван сард 207 жуулчин эмэгтэй өврөөр нь дамжин гарсан гэж нэгэнтээ сайрхсан. Хэрэв жуулчлалын сезоны үеэр унтсан эмэгтэйчүүдийх нь тоо 200-д хүрэхгүй бол өөрийгөө муу ажилласан гэж үздэг байжээ.

“Риминигийн Ромео” нь 40 нас гараад өөрийгөө төрөлх хотынхоо аялал жуулчлалын бизнесд маш их хувь нэмэр оруулсан, жуулчдыг татах тал дээр аялал жуулчлалын асуудал эрхэлсэн хотын дарга нараасаа ч их ажил хийсэн  хэмээн ярьж  улмаар хотынхоо удирдлагатай муудалцсан. Нас хэвийхийн хэрээр өөрийх нь хичээл зүтгэлийг зохих ёсоор үнэлсэнгүй хэмээн хотын дарга нараа зүхэх болсон гэдэг. Түүний найз нарых нь хэлсэнээр “Риминигийн Ромео” нь яг хүсэж мөрөөдөж байсан үхлээрээ хорвоог орхисон гэнэ. Тэрээр амьдралынхаа сүүлийн жилүүдэд загас наадуулж байгаад эмэгтэй хүний дээр нүд анихыг хүсдэгээ байнга ярьдаг байжээ. Тэр хүсэл нь ч биелж 23-тай жуулчин бүсгүйтэй жаргаж байгаад өвөрт нь бурхан олжээ.

NUUTS.mn