Ж.Батзориг: Багш нар 9-р сарын 3-наас тодорхойгүй хугацаагаар ажил хаяна
.jpg)
Багш нар ажил хаях эсэх асуудлаар Боловсрол, шинжлэх ухааны ҮЭХ дөнгөж сая хэвлэлийн хурал зарлан гаргасан шийдвэрээ танилцууллаа. Тус холбооныхон өнөөдөр МҮЭСТО-нд ажил хаялттай холбоотой асуудлаар хуралдсан юм. Ийнхүү уг хурлаас гарсан шийдвэрээ хэвлэлийнхэнд мэдээллээ. Боловсрол, шинжлэх ухааны ҮЭХ-ны дарга Ж.Батзориг "Багш нар есдүгээр сарын 3-наас тодорхойгүй хугацаагаар ажил хаяхаар боллоо. Өнөөдөр салбарын сайдтайгаа энэ асуудлаар ширээний ард суун бид шаардлагаа хүргүүлсэн. Тэдний тавьсан асуудлыг гишүүдээ танилцуулан дараах шийдвэрийг гаргалаа. Нэгдүгээрт багш нарт олгох урамшууллын 300 мянган төгрөгөө олго. Хоёрдугаарт есдүгээр сарын 15-н гэхэд бүх ажилчдын цалинг 15 хувиар ялгаварлалгүйгээр нэм. Гуравдугаарт 2019 оны эхний сард бүх ажилчдын цалинг 50 хувиар нэм. Зэрэглэл тогтоож байгаагаа боль. Цөөн хэдэн хүнд цалин нэмж байгаа нь хагаралдуулах гэсэн үйлдэл мэт харагдаж байна" гэв.
НУУЦ.мн
