Нууц мэдээллийн уурхай

Америкийн Нью-Йорк хотын захиргааны ажилтан Сьюзен Пейрес гэдэг эмэгтэй онгоцонд танхайрсан, бусдыг доромжилсон,ёс зүйгүй хүнлэг бус авирласан хэмээн ажлаасаа халагдахдаа тулаад байна. Тэрээр Нью-Йоркаас Сиракьюс чиглэлийн онгоцонд суух үед энэ явдал болжээ.

Түүний хажууд Марисса Ранделл гэдэг бүсгүй найман сартай хүүхдийн хамт суухаар таарчээ.

Зорчигчид суудлаа эзлэх үед хүүхэд уйлж энэ нь давилуун зант төрийн албан хаагчийн уур цухлыг хүргэжээ. Тэрээр ээжид нь уурлаж хашгиран тэр даруй өөрийг нь өөр суудалд суулгахыг шаарджээ.

Хэл ам гарсан тул онгоцны үйлчилэгч иржээ. Үйлчлэгч сул суудал байхгүйн дээр хүүхэд уйлахаа больсон тул хүндрэл гаргахгүй байхыг хүссэн нь төрийн албан хаагчийн уурыг бүр ч хүргэжээ.

-Би төрийн албан хаагч байна. Тийм учраас өөр суудалд сууна. Энэ уйланхай хүүхдийн дэргэд сууж чадахгүй. Миний суудлыг сольж өгөхгүй бол ажлаас чинь халуулна шүү-
Мөн хүүхдийг “эсвэл энэ уйланхайг онгоцны арын суудалд суулга” гэжээ. Байдал хурцадсан тул Сьюзаныг онгоцноос буулгажээ.

Хүүхдийн ээж төрийн албан хаагчийн үйлдлийг бичиж аван цахимаар цацахад хоёр сая хандалт авчээ.

Бичлэг цацагдсаны дараа Нью-Йорк хотын захиргааны олон нийттэй харилцах газрын дарга Ронни Рейх мэдэгдэл хийж” Төрийн албан хаагч нь мэргэжлийн ур чадварын хувьд төдийгүй хувь хүний төлөвшил, хүмүүжлийн хувьд тодорхой шалгуурыг хангасан байх ёстой. Бичлэгийг үзсэний дараа бид дотоод шалгалт эхлүүлсэн. Энэ хэргийг бүрэн шийдвэрлэж дуустал Сьюзаныг албан тушаалаас нь түдгэлзүүлсэн” гэжээ.

НУУЦ.мн