Нууц мэдээллийн уурхай

Wales Online –д мэдээлснээр Английн Уэльсийн 16 настай охин Молли Роулендс хоёр жилийн өмнө аав Клайвтайгаа нэгэн гэрээ байгуулжээ. Эхлээд тэд тоглоом шоглоомоор тохирсон гэнэ.
-Би ааваасаа “хэрвээ би бүх шалгалтандаа дээд оноо авбал яах вэ” гэхэд “аав шалгалт бүрд чинь 100 фунт төлнө” гэсэн-
Сурагч охины хувьд 100 фунт/140 доллар/ нь маш их мөнгө юм. Ингээд охин хичээж эхэлжээ. Шалгалт эхлэхээс зургаан сарын өмнө бүр эрчимтэй бэлдсэн байна. Өдөрт 5-6 цагаар хичээлээ давтаж амралтын өдрүүдээр ч бэлдсэн. Эцэст нь хоёр жилийн хичээл зүтгэл нь үр дүнгээ өгчээ. Тэрээр тоо, биолого, хими,физик, англи хэл, Английн уран зохиол, валли/хойд ирланд/ хэл, Валлийн уран зохиол, газарзүй, мэдээлэл-технологи, санхүүгийн үндэс зэрэг 14 хичээлээр төгсөлтийн шалгалт өгч бүх шалгандаа дээд оноог нь авчээ. Энэ сарын 23-нд шалгалтынхаа хариуг аваад баярлаж цочирдсондоо бүр уйлсан гэнэ. Охин шалгалт бүрдээ дээд оноо буюу А үнэлгээ авсан.

-Ээж маань надад хамгийн түрүүнд баяр хүргэсэн.Багш нар маань миний амжилтыг сургуулийн түүхэнд гарч байгаагүй үзүүлэлт гэсэн-

Шалгалтын дүн гарсан өдөр аав нь гэрээ ёсоор шагналын чекийг нь явуулжээ. Дугтуйнд хийсэн чекэнд 1400 фунт/3000 доллар/ гэж бичжээ. Ийнхүү аав хэлсэндээ хүрч мөнгөө өгсөн агаад охин шагналын мөнгөө их сургуулийн сургалтын төлбөрдөө зарцуулах гэнэ.

НУУЦ.мн