Нууц мэдээллийн уурхай

South China Morning Post –д мэдээлснээр энэ сарын 22-ноос Малайзийг цочирдуулсан нэгэн дуулиант хэргийн шүүх хурал эхэлжээ. Шүүгдэгч нь 53 настай эмч Хава Ким-суна (Khaw Kim-sun) агаад тэрээр эхнэр болон 16 настай охиноо йогийн дасгалд хэрэглэдэг бөмбөгт угаарын хий/ хүчилтөрөгч нүүрстөрөгч 2-ын нэгдсэн хорт бодис, үнэргүй өнгөгүй тул хордохоо мэддэггүй/ шахаад хордуулж алсан нь тогтоогджээ. Тэрээр эхнэр дөрвөн хүүхэдтэй ч өөрийн нэгэн залуу оюутан бүсгүйтэй дотно харьцаанд орж улмаар гурван жилийн өмнөөс тусдаа амьдрах болжээ. Эхнэр нь нөхрөө өөр хүнтэй болсоныг эртнээс мэдсэн ч гэрлэлтээ цуцлуулахаас татгалзсаар байжээ. Эцэст нь эмч эр салж өгдөггүй эхнэрээсээ нэгмөсөн салахаар шийдэж нарийн төлөвлөгөө гарган бэлтгэл ажилдаа орсон. Тэрээр туулай дээр туршилт хийх нэрээр йогийн дасгалд хэргэлэдэг бөмбөлөгийг угаарын хийгээр дүүргэн эмнэлгийнхээ нэр дээр худалдаж авчээ. Бүр хоёрыг авч  нэгийг нь нөөцөнд үлдээсэн гэнэ. Энэ үйлдэлд нь залуу амраг нь тусалсан байна. Ингээд 2015 оны 5-р сарын 22-нд эхнэрийнхээ “Mini Cooper” машины багаажинд өнөөх бөмбөлөгөө сэм хийж жижигхэн нүх гарган цоолжээ. Гэхдээ тэрээр машинд эхнэрээс нь гадна төрсөн охин 16 настай Ли-линг (Khaw Li-ling) нь суухыг мдээгүй гэнэ.

Автобусны буудлын ойролцоо зогсох шар өнгийн машинд суугаа хоёр эмэгтэй огт хөдлөхгүй байхыг хажуугаар нь өнгөрч явсан хүн ажиглаж цагдаа дууджээ. Цагдаа ирэхэд ахимаг эмэгтэй охины хамт нас барсан байдалтай байжээ. Машины багаажнаас хий нь гарсан ойгийн бөмбөлөг олсон байна. Шинжилгээгээр бөмбөлөгийг угаарын хийгээр дүүргэсэн агаад хохирогчид хордож амиа алдсан нь тогтоогдсон.

Цагдаа эхний ээлжинд Хаваг байцаахад тэрээр гэрт нь үүрлэсэн мэрэгчдийг устгахаар гаазтай хий авчирсан гэж мэдүүлжээ. Гэтэл гэрийн үйлчлэгч нь эмчийн гэрт ямар ч хулгана, харх үүрлээгүй гэж баталсан. Мөн эмч охиноо амь хорлосон байх магадлалтай хэмээн мэдүүлж сэжиг хардлагийг өөрөөсөө холдуулах гэсэн. Гэсэн ч мөрдөн байцаалтын явцад тэрээр эхнэр охиноо бөмбөлөгт дүүргэсэн угаарын хийгээр хордуулж алсан нь батлагджээ. Хэрэг нь нэгэнт нотлогдсон ч эмч охиноо санаатай хөнөөсөн гэдэг ялыг хүлээн зөвшөөрөөгүй байна. Тэрээр охиноо ээжийнхээ машинд сууна гэдгийг мэдээгүй байсан хэмээн улсын яллагч ч баталжээ. Гэхдээ хорт хийнд хамт хордож амиа алдах аюултайг нь мэдэж байсан тул санаатай хөнөөсөн болж байгаа аж. Одоогоор шүүх хурал үргэлжилж байна.

 

НУУЦ.мн