Нууц мэдээллийн уурхай

hMAG –д мэдээлснээр Америкийн Нью-Жерси мужийн Хобокен хотын дарга энэтхэг гаралт Рави Бхалла тун ичигвэртэй байдалд ороод байгаа аж. Энэ сарын 19-нд хотын голлох шугам хоолой эвдэрч усан хангамж тасалдсан. Энэ үеэр хотын дарга ослын газар ажиллаж мөн өөрийн биеэр иргэдийн гэрээр орж цэвэр ус тараан засварын ажлын явцыг тайлагнаж мэдээлжээ. Энэ тухай зураг мэдээллээ өөрийн цахимдаа оруулсан байна.

Үүнд нь талархсан иргэд даргыгаа магтсан нь мэдээж. Гэтэл магтсан сэтгэгдлийн дунд хотын даргын өөрийх нь бичсэн сэтгэгдэл тоон дунд үсэг гэгчээр “цохиж” явжээ.

-Осол гарахад газар дээр нь ажиллаж арга хэмжээ авч байгаа танд маш их баярлалаа. Энэ бүхэн одоо маш их хэрэгтэй байна-
-Та өөрийнхөө хаягнаас сэтгэгдэл бичиж байгаагаа мэдэж байна уу ?
Хотын дарга өөрийгөө магтсан сэтгэгдэл бичихдээ андуурч өөрийн цахим хаягнаасаа оруулаад ичгүүр болжээ. Хэрэг явдал дэгдэнгүүт сэтгэгдэл дороо устгагдаж харин даргын ах нь дүүгийнхээ цахим хаягнаас бичсэн болж таарчээ.
-Хотын даргын сонгуулийн үеэр даргын ах Амирдит Сингх цахим хуудсыг нь хөтөлдөг байсан. Тэрээр андуурч энэхүү сэтгэгдлийг бичсэн байна-
Гэсэн ч олон нийт итгээгүй агаад осол гарч иргэд нь усаар тасалдаад байхад өөртөө оноо авах гэсэн даргыгаа зад шүүмжилжээ.

НУУЦ.мн