Нууц мэдээллийн уурхай

НэкстШарк-д мэдээлснээр Хятадын Хэнань мужийн Химни ууланд 30 метрийн өндөрт шилэн гүүр байдаг. Энэ гүүрэн дээр Хао Шинг гэдэг чинээлэг бүсгүй гурван жил үерхсэн найз залуу Хай Юйдээ гэрлэх санал тавихаар эртнээс бэлджээ. Найз залуугийнхаа сэтгэл санааг өөрлүүгээ бүрэн эргүүлэхийн тулд гүүрэн дээр спорт загварын шинэ машин гаргаж иржээ.

Мөн чемоданд146 мянган доллартай тэнцэх хэмжээний юань бэлнээр хийж машины багаж дээр тавин тагийг нь онгойлгожээ.

Энэ бүхэн нь найз залуу нь “за” гэж хэлэх 100 хувийн баталгааг хангаж чадна хэмээн найдсан гэнэ. Ингээд хуримын даашинз өмсөн машиныхаа дэргэд зогсоход найз нар нь Юйг гүүрэн дээр авчирчээ.

Юу болж байгааг сайн ойлгоогүй залууд бүсгүй микрофоноор ийн хэлжээ
-Чиний амьдрлын бүх зүйл баталгаатай болно. Баталгаа нь энэ байна. Чи ердөө над руу ирээд л миний хэлсэнд “За” гэж хэлэхэд л болно-
Ингээд машин мөнгөө заан гэрлэх санал тавьжээ. Гайхалтай нь залуу доорхи шалтгаанаар татгалзсан гэнэ.
-Бид хоёр гурван жил болзож байна. Чамтай учирсандаа баярладаг ч харин гэрлэж чадахгүй. Чи бол хүссэн бүхнээ авч болно гэж үздэг өөрийгөө ихэд бодсон, эзэрхүү зантай эмэгтэй-
Найз нар нь энэ татгалзлалыг нь үл харалзаж залууг түлхсэн боловч явахгүй гэжээ. Тэрээр өндрөөс айдаг гэнэ.

Гэсэн ч найз нар нь хүчээр чирч бүсгүйд хүргэх гэхэд хойшоо чангаан чиргүүцэлджээ.

Эцэст найзуудынхаа гараас мултарч юу ч хэлэлгүй буцаад явсан байна. 

Найз залуу нь гэрлэхээс татгалзасанд цочирдож гутарсан бүсгүй уйлсаар хоцорчээ.

Энэ бичлэг Хятадын цахимд тарангуутаа шуугиан дэгдээжээ.

Олон хэрэглэгч бүхнийг мөнгөөр өөрийн болгох гэдэг бүсгүйг буруушаан зэмлэсэн байна.

НУУЦ.мн