Э.Бат-Үүл : Н.Энхбаяр буриад гэдгээ нуудаг, би БАХАРХДАГ
.jpg)
УИХ-ын гишүүний бүрэн эрхээсээ татгалзсан Д.Гантулгын оронд нөхөн сонгууль удахгүй Хэнтийд явагдана. МАХН-аас намын дарга Н.Энхбаяр нь нэр дэвших нь тодорхой болсон. Тэгвэл түүний өөдөөс АН Э.Бат-Үүлийг сөргүүлэн тавихаар болжээ. Ийнхүү сонгуулийн гол өрсөлдөөн энэ хоёрын дунд болно. Учир нь МАН-аас хэн ч нэр дэвшиж ирсэн олигтой санал авахгүй нь тодорхой болсон. Нөхөн сонгууль явагдах тойрог нь буриад сонгогчид олонтой тул МАХН буриад гаралтай гэдэг Н.Энхбаярыг харин АН цэвэр буриад Э.Бат-Үүлээ "сойжээ". Гэхдээ Э.Бат-Үүл нэгэнтээ "Н.Энхбаяр буриад гэдгээ нуудаг бол би бахархдаг" хэмээн хэлж байсан. Н.Энхбаяр ерөнхийлөгч байхдаа Оросын Буриад улсад айлчилж байсан. Энэ үед Оросын ГХЯ-наас Буриадын хэвлэлийнхэн, сэтгүүлч нарт Монголын ерөнхийлөгчийн буриад гарлын тухай асууж болохгүй гэдгийг албан ёсоор анхааруулж байсан удаатай.
НУУЦ.мн
