Нууц мэдээллийн уурхай

Өдгөө 25 настай Дориан Тукуэр гэдэг франц залуу 2011 онд үхлийн ирмэгт очоод байсан. Тухайн үедээ найз бүсгүйдээ хаягдсанаас сэтгэл санааны гүн гутрал, хямралд орсон. Урам зориг нь унаж цог хийморио алджээ. Сэтгэлзүй болон биемахбодийн хувьд  сулбайсан залуугийн хоолны дуршил аажмаар алдагдан улмаар анорекси/ бие махбодио сэтгэцийн талаас удирдаж хоол тэжээлийг vзэн яддаг болох өвчин/-д нэрвэгджээ.

Түүний өдрийн хоолны илчлэг нь 700 калорий дөнгөн хүрч байснаас огцом турж 45 кг болжээ. Энэ нь тураалын туйлд хүрсэний шинж агаад яаралтай арга хэмжээ авахгүй бол амь нас нь хутганы ирэн дээр байжээ.

Залуугийн аврал нь биеийн эмчилгээ биш сэтгэлзүйн өөдрөг эрс өөрчлөлт байсан. Тэр аврал нь 2017 онд ирж Софи хэмээх сэтгэл татам бүсгүй тураалын туйлд орсон залууг анзаарч улмаар хайрлан халамжилсан байна.

Ийнхүү шинэ хайр дурлалтай учирсанаар Дориоаны сэтгэлзүй биемахбодод эрс өөрчлөлт гарчээ. Сэтгэл санааны гутрал шаналалыг нь шинэ хайр дурлал ул мөргүй хөөн зайлуулжээ. Энэ өөрчлөлтийг даган биемахбодь нь сайжирч хоолны дуршил нь эргэн сэргэсэн.

Хоолны орцоо нэмэгдүүлж мөн бодибилдингээр хичээллэсний ачаар нь яс арьс болсон хөөрхийлэлтэй тэрээр булчин шөрмөс нь зангирсан хараа булаам залуу болон хувирчээ. 

Хайр сэтгэлийн ачаар аврагдсан залуугийн түүх хэвлэлийхний анхаарлыг татаж Дориан аврагдсан түүхээ ярьжээ.

-Софигийн хайр сэтгэл л намайг аварсан. Үхлийн тухай бодол маань ор мөргүй арилж амьдралд эргэн ирсэндээ хязгааргүй баяртай байна-

-Өмнө нь би өдөрт хоёр ширхэг тахианы цээж махыг үмх ногоотой арайхийн иддэг байсан. Харин одоо хоолны мангас болсон-

Дориана Софи хоёрын жишээ нь хайр сэтгэл ямар ч саадыг арилгадаг, дурлалынхаа төлөө хүн бүхнийг хийж чаддаг болохыг харуулжээ.

НУУЦ.мн