Нууц мэдээллийн уурхай

Уржигдархан Засгийн газрыг огцруулж УИХ-ыг тараахыг шаардаж байсан Ж.Батзандан өчигдөр Засгийн газрыг унагаад дараа нь илүү засаг байгуулах баталгаа байхгүй хэмээн хэлсэнээсээ буцсан.

Харин өнөөдөр тэрээр цэрэг цагдааг атгасан Ерөнхийлөгч, Ерөнхий сайд хоёроос их зүйл хүлээж байна хэмээн жиргэж цахим орчинг шуугиуллаа. Ж.Батзандан нь Х.Баттулга, У.Хүрэлзсх хоёроос их зүйл, том реформ хүлээж байгаа юм байна. Тэрхүү хүлээж байгаа их зүйл том реформыг нь цэрэг цагдаа хийх гэнэ.  Цэрэг цагдаагийн хүчээр "их зүйл,  том реформ" хийх гэж байгаа бол үүнийг цэргийн эргэлт гэж нэрлэдэг. Хүчнийхэн хүчээр хийдэг, харин хүчээр буюу цэргийн эргэлтээр засгийн эрхийг авахыг Үндсэн хуулиар хориглосон. Гэтэл УИХ-ын гишүүн нь "их зүйл хүлээж байна, цэрэг цагдааг атгаж байна" гэх зэргээр Үндсэн хуулийн бус аргаар төрийн эрхийг авах цэргийн эргэлтэнд уриалсан утга агуулгатай зүйл ярьж байгааг холбогдох байгууллагууд анхааралдаа авах ёстой. Хэлсэн үгнээсээ буцдаг Ж.Батзанданы хувьд ам алдсанаа амархан цайруулах биз ... Эргэж буцах түүний хувьд гэм биш зан болоод байна. АН-ын даргын сунгааны үеэр С.Эрдэнийг намын дүрэм зөрчсөн, эрс эсэргүүцнэ хэмээн мэдэгдэж байсан ч маргааш өглөө нь намын шинэ даргаа дэмжинэ гээд сууж байсныг л санахад хангалттай. Өчигдөр тэрээр цахим орчинд үүнээс олон сэдвээр "бөмбөгдсөн" гэхэд болно. Оруулсан зүйлийг нь уншихад эрүүлдээ бичсэн эсэх нь эргэлзээтэй байна.

НУУЦ.мн