Нууц мэдээллийн уурхай

39 настай Дэвид Хендерсон гэдэг шотланд эр сүүлийн хэдэн жил ажилд орж чадахгүй зовж яваа гэнэ. Тэрээр ажилсаг махруу зан чанартай гээд олон сайн талтай ч энэ хугацаанд ердөө дэлгүүрийн ачигч, цэвэрлэгч хамгаалагч зэрэг хэдхэн ажил хийж түүнээс дээшээ ахисангүй. Мөн түүнээс илүү ажил ч олдоогүй бөгөөд өдгөө болтол ажилгүйдлийн тэтгэмжээр амьдарч байна. Түүний энэ бүх азгүйтлийн шалтгаан нь ердөө хөл нь аж. Шотланд эрийн хөл ер бусын том агаад 55 размерийн гутал л таардаг. Энэ аварга хөл уртаараа 30 см, өргөнөөрөө 18 см гэнэ. Ийм том хэмжээтэй тул түүнд таарах гутал байдаггүй агаад ганцхан “Адидас”-ын сагсан бөмбөгчидөд зориулж гаргадаг пүүз л ордог.

Таарах гутал хайж Английн бараг бүх дэлгүүрийг дуусгасаны дараа гутал захиалах  гэсэн боловч 55 размерийн гутлыг 500 фунтээр хийнэ гэжээ. Хэрвээ ингэж гутал захиалбал сарын тэтгэмжээс нь ердөө 40-хөн фунт үлдэх гэнэ. Ийм учраас л  ярилцлагад хослолын дор аварга том пүүзээ өмсөж очихоос өөр арга байдаггүй агаад ажил олгогчид  хөлийг нь хараад л татгалзсаар иржээ. Шотланд эрийн том хөл найз бүсгүй Эннийг ч заримдаа эвгүй байдалд оруулдаг агаад алиалагчийн гутал хэмээн шоолуулах нь олонтоо. Азгүй Дэвид өсвөр насандаа хэвийн хөлтэй байжээ. Харин өсөх тусам нь хөл нь уртаараа төдийгүй өргөөшөө өссөн байна. Эмч нар энэ шалтгааныг тайлбарлаж чадаагүй аж.

NUUTS.mn