Нууц мэдээллийн уурхай

ЗТХЯ-ны Хяналт шинжилгээ, үнэлгээ, дотоод аудитын газрын даргаар ажиллаж байсан Г-ийн амь насыг санаатайгаар бүрэлгэсэн асуудалд Зам тээврийн хөгжлийн сайд асан Ж.Бат-Эрдэнэ, дэд сайд асан Т.Цогтгэрэл, Төрийн нарийн бичгийн дарга асан Ж.Бат-Эрдэнэ нарыг шалгаж эхэлсэн. Тэднийг халагдахаасаа өмнө гэмээ ухаарсан этгээдүүд болох жүжиг тавьж өөрсдийн саналаар огцорсон гэж олон нийт дүгнэсэн. Г-г гурван цагийн турш үхтэл нь зодож, долоон удаа толгойруу нь өшиглөсөн Төрийн захиргааны удирдлагын газрын дарга Б.Махбалыг ШШГЕГ-ын харьяа Цагдан хорих 461 дүгээр ангид саатуулсан.  Талийгаачийг тамлан зовоож байх үеийн бүхий л хугацаанд Төмөр зам, далайн тээврийн бодлогын хэрэгжилтийг зохицуулах газрын дарга Б.Артур, Төмөр замын бодлогын хэрэгжилт, зохицуулалт хариуцсан ахлах мэргэжилтэн Б.Лхагвасүрэн, Авто замын бодлогын хэрэгжилтийг зохицуулах газрын дарга Э.Энхбат, Хүний нөөцийн асуудал хариуцсан ахлах мэргэжилтэн Д.Цэцэгмаа, мэргэжилтэн Н.Ганбаяр нар байжээ. Эдгээр хүмүүс талийгаачийг зодуулж байхад үйлдлийг таслан зогсоогүй бөгөөд амь алдах үед нь анхны тусламж үзүүлээгүй гэх үйлдэлдээ хариуцлага хүлээх учиртай. Эх сурвалжийн мэдээгээр тэд согтуу байсан тул Б.Махбалын үйлдлийг таслан зогсоож талийгаачид тусалж чадаагүй хэмээн мэдүүлсэн гэнэ.

НУУЦ.мн