Нууц мэдээллийн уурхай

Mirror –д мэдээлснээр Америкийн Юта мужийн Пейсон хотын иргэн Дуэйн Юд нь туршлагатай нисгэгч гэнэ. Өнгөрсөн ням гаригт тэрээр эхнэртэйгээ зодолджээ. Энэ тухай мэдсэн хөрш нь цагдаа дуудсан агаад Дуэйнийг эхнэрийн хамт хэсэг дээр авчирчээ. Эхнэр нь нөхрийнхөө эсрэг мэдүүлэг өгөөд тэр дороо гэр лүүгээ явсан бол нисгэгчийг шөнө дундын үед л барьцаагаар сулласан байна.

Гэхдээ тэрээр цагдаагийн хэсгээс гараад гэр лүүгээ яваагүй аж. Харин даваа гаригийн өглөөний 02 цаг 30 минутанд бага оврын нисэх онгоц эхнэр хүүхэд нь унтаж байсан Дуэйний байшинг  мөргөж  унажээ.

Эхэндээ нисэх онгоцны сүйрэл хэмээн үзсэн ч мөрдлөгөөр онгоцыг гэрийн эзэн жолоодож явсан нь батлагджээ. Дэйн газар дээрээ амиа алдсан бол эхнэр хүүхэд азаар гэмтэж бэртээгүй байна. Хэргийг шалгахад нисгэгч эр цагдаагийн хэсгээс гараад гэртээ харихын оронд Форк-Спрингвилл гэдэг нисэх буудал явжээ. Тэндээ хоёр хөдөлгүүртэй “Cessna 525” гэдэг онгоц жолоодон 30 км-ын зайтай орших гэрийн зүг ниссэн байна. Ингээд шууд байшингаа мөргөжээ.

Цагдаагийн газрын тааварлаж байгаагаар нисгэгч эр өөрийг нь цагдаад  бариулсан эхнэрээсээ өшөөгөө авах гэсэн гэнэ.

НУУЦ.мн