“Жавхлант орд”-ын туслан гүйцэтгэгч хятадууд Хөдөлмөрчдийн баяраа тэмдэглээд нэгнийгээ хутгалжээ
Нийтэлсэн: 2018-08-13 23:23:33
.jpg)
Жил бүрийн 6-р сарын 19-нд хятадууд Мао даргынхаа тогтоосон Хөдөлмөрчдийн баяр гэгч том баярыг тэмдэглэдэг гэнэ. Энэ баяраа тэмдэглэсэн “Жавхлант орд” компаний туслан гүйцэтгэгч “Буман айл” компаний хятадууд архидан согтуурч нэгнийгээ хутгалжээ. “Жавхлант орд” нь Өмнөговь аймгийн Гурвантэс сумын нутагт үйл ажиллагаа явуулдаг агаад хөрс хуулалтын ажлыг нь 80 гаруй хятад ажилчин хийж байна. Хөдөлмөрийн баярын үеэр компаний кэмп дээр хавтгай архидалт болж нэг л хятадаас бусад нь шал согтуу байжээ. DEMING HUHEBARISI буюу Хөхбарс гэдэг аймшигт нэртэй өвөрмонгол бусдын адил ууж согтуурхсан байна. Тэрээр баяраа тэмдэглэж хятад архи ууснаас гадна байрладаг гэртээ ирээд “Соёрхол” архинаас 200 гр татжээ. Тэгээд цалингийн урьдчилгаа авна хэмээн нятглан XIU WEI-тэй маргалджээ. Нятглан нь өвөрмонголчуудад дээрэлхүү ханддаг зангаараа хараал тавьж хөөжээ. Уурссан Хөхбарс шөнө дунд нэг гартаа хутга, нөгөө гартаа гар чийдэн бариад нягтлангийн гэрт дайран орж иржээ. Энэ үед нягтлантай хамт нэг гэрт унтаж байсан ZHAO HONGBO хятаддаа туслан хутгыг нь булааж авах гэж ноцолджээ. Ноцолдох орилолдох чимээнээр Хувьсгалт гэх өвөрмонгол ирж хятадуудтайгаа хамжин Хөхбарсыг дарж унаган хутгыг нь булаан авсан гэнэ. Энэ үер Хөхбарс ZHAO HONGBO нар нь бие биенийгээ хутгалсан гэнэ. Хятадууд хамгаалалтын албыг дуудаж тэд Хөхбарсыг гавлажээ. Болсон явдал согтуу хятадуудын дунд бөөн шуугиан дэгдээжээ. 100 гаруй согтуу хятадууд орилолдож хашгиралдан хамгаалагчдын шаардлагыг эсэргүүцэж тэр шөнөдөө хүндхэн хоносон гэнэ.
НУУЦ.мн
хөрс хуулахад монголчууд чадахгүй юм биш үү дээ.. авилга хээл хахуульд өртсөн төрийн түшээцэнүүдээс монгол орон туйлдаж гүйцлээ...