Төлбөрөө авч чадаагүй бизнесмэн тансаг таван хаусыг эксковатороор НУРААЛГАЖЭЭ
Нийтэлсэн: 2018-08-13 15:09:29
.jpg)
Английн Хартфордшир гүнлэгийн Бантингфорд хотын чинээлэг орон сууцны шинэ хороололд ер бусын хэрэг гарсан тухай Мetro-д мэдээлжээ. Барилгын бизнес эрхэлдэг румынь гаралтай 30 настай Даниель Нигоу (Daniel Neagu) нь барилгын талбай дээр хоёр эксковатор авчиран хүлээлгэн өгөхөд бэлэн болсон таван тансаг хаусыг юу ч үгүй болтол нь нурааж эвдэлжээ.
.png)
Нүдээр харсан гэрч нарын мэдүүлснээр эксковаторууд шанагаар хаусыг эвдэлж хэмхчиж байхад бизнеэсмэн эр байдгаараа инээж хөхрөн бүр селфи хийж байсан гэнэ. Тэнд байсан хүмүүс хориглох гэсэн боловч чадалгүй байсаар таван хаусыг нураалгажээ.
.jpg)
Бизнесмэний хэлсэнээр тэрээр ердөө захиалсан эзэд нь төлбөрөө төлөөгүй хауснуудыг л нураасан гэжээ. Нураасан хауснуудыг Даниель Нигоу бариулсан агаад өөр хүмүүсд зарж болох байсан ч ийнхүү эвдэлж сүйтгэсэн нь гайхал төрүүлж байгаа гэнэ. Эдгээр хаусын нэг бүрийн үнэ нь 800 мянга орчим фунт агаад нийтдээ дөрвөн сая фунт буюу 5,2 сая доллар хүрэх аж.
.jpg)
Цагдаад анх дуудлага өгсөн 61 настай Элейн Франсуа (Elaine Francois) –гийн мэдэгдсэнээр эксковаторууд хауснуудыг нурааж байгаа нь бөмбөг дэлбэрч эсвэл газар хөдөлж байгаа мэт аймшигт чимээ шуугиан гаргасан гэнэ. Эвдлэн нураагч бизнесмэнийг газар дээр нь баривчилахад эсэргүүцэл үзүүлээгүй байна. Нураагдсан хауснуудад хэдхэн хоногийн дараа эзэд нүүж ирэх ёстой байсан аж. Газар дээр нь ажилласан шинжээчдийн мэдүүлснээр хауснуудыг ахин шинээр барихаас өөр аргагүй болтол нь эвдэлж сүйтгэжээ.
НУУЦ.мн
