Нууц мэдээллийн уурхай

Энэ залуу дотно бүсгүйдээ мессэж илгээхийн оронд жилийн өмнөөс захидал бичиж эхэлжээ. Тэрээр жилийн турш 14 захидал бичсэн агаад захиа тус бүрийн эхний үсэг нь маш томоор бичигдсэн байжээ. 14 дэх захидлаа бичсэн даруй бүсгүйгээс бүх захиаг нь авчрахыг хүсжээ. Ингээд захидал бүрийн эхний үсгийг нийлүүлсэнд "Will you marry me?" гэсэн үг бүтэж гэрлэх санал тавьжээ. Бүсгүй зөвшөөрч тэд саяхан гэрлэсэн байна. Америкийн Иллионойс мужийн оюутан Дэвид Чапмен найз бүсгүй Валеридаа мөн л өвөрмөц хэлбэрээр гэрлэх санал тавьжээ.

Залуугийн эцэг эх нь наранцэцэг тарьдаг фермтэй агаад оюутан залуу муугүй тариаланч гэнэ. Тэрээр хайртдаа гэрлэх санал тавихын тулд таван сарын турш тасралтгүй маш нямбай ажиллаж наранцэцэгээ "marry me?" гэсэн өгүүлбэрийн хэлбэртэйгээр тарьж ургуулжээ.

Найз залуугаа талбайд нууцаар нэгэ зүйл хийгээд байгааг ажигласан бүсгүй шалгаасан ч юу ч хэлсэнгүй. Эцэг эхээс нь асуухад гэнэтийн бэлэг гэхээс өөр зүйл ам алдсангүй. Таван сарын дараа буюу өнгөрсөн 7-р сард Дэвид найз бүсгүйгээ талбайд авчирч гэнэтийн бэлгээ задалжээ. Залуу дроноор наранцэцэгийн талбайгаа дээрээс нь харуулсан агаад бүсгүй “надтай гэрлээч” гэсэн үгийг наранцэцэгээр бүтээснийг хараад тэр дороо л зөвшөөрчээ.

Бүсгүй Дэвидийг гэрлэх санал тавина хэмээн дотроо хүлээж байсан ч ийм өвөрмөц аргаар тавина хэмээн бодоогүй гэнэ.

NUUTS.mn
....