Нууц мэдээллийн уурхай

Италийн тэнгисийн эргийн Гаэтэ хотын пиццаны газрын эзэн 54 настай Жоржио Моффегийн цахим хуудсандаа оруулсан пост олон хүний сэтгэлийг хөдөлгөжээ. Өглөө бүр наран мандахтай зэрэгцэн тэнгисийн эрэгт сууж байдаг өвгөн түүний анхаарлыг татжээ. Өвгөний хажууд байнга нэгэн жаазтай зураг байж байдаг. Ингээд Жоржио өвгөнийг пиццаны газартаа урьжээ.

Танилцаж ярилцахад 70 настай өвгөнийг Жузеппе Жордаано гэдэг аж. Хажуудаа тавьдаг жаазтай зураг нь бурхан болсон эхнэр Идагийх нь гэнэ.

Хайрт эхнэр нь хорт хавдраар долоон жилийн өмнө өөд болжээ. Харин өвгөний суудаг эрэг дээр тэд анх танилцаж олонтоо болзож байсан гэнэ. Ийм ч учраас нэг насных хайрттай нь учруулсан энэ л газарт өглөө бүр ирж эхнэрийнхээ жаазтай зургийг хажуудаа тавин сууж хагацалтай эвлэрч чадахгүй яваа зүрх сэтгэлээ тайвшруулж тайтгаруулдаг болохыг пиццаны газрын эзэн цахим хуудсандаа бичжээ.
-Энэ бол жинхэнэ хайрын түүх. Одоо ийм хүмүүс ахиад гарахгүй биз. Би өвгөний шаналал зовлонг бүрэн ойлгож мэдэрч байна. Надад ч гэсэн хагацал тохиож хүү болон хоёр бага дүүгээ алдсан-
Өвгөний хэлсэнээр тэрээр 17-той, эхнэр нь 16 настай байхдаа 1966 онд гэрлэжээ. Эхнэрийх нь эцэг эх тэдний харилцааг хүлээн зөвшөөрөөгүй ч Ида зөрсөөр байж залуутай болзон бүр жирэмсэлсэн. Тэд гэрлэн гурван хүүхэдтэй болж аз жаргалтай 50 жилийг хамт өнгөрөөжээ.

Эхнэр нь хэдийгээр тэнгэрт одсон ч өвгөний хайр бөхөөгүй.нь пиццаны газрын эзнийг гайхшруулжээ.
-Хүн бүхэн хагацалтай нүүр тулдаг ч зовж шаналж байгаагаа ил гаргахаас эмээдэг. Харин энэ өвгөн эр зориг гаргаж шаналалаа нуусангүй-

NUUTS.mn