Машинаасаа буун бүжиглэж байгаад ЦҮНХЭЭ шүүрүүлж буй бүсгүйн бичлэг /сургамжтай/
Нийтэлсэн: 2018-07-29 03:08:22
Рэпер Дрейкийн “Scorpion” цомог өдгөө борлуулалт сайтай байна. Энэ цомгийн рейтингийг өсгөсөн дуу нь “In My Feelings” гэнэ. Клипенд рэпер эзгүй хотоор хэсэж ганцаараа кафед суун “Кики чи надад хайртай юу Чи минь ирж байна уу” хэмээн дуулдаг. Гайхалтай нь хайрыг нь татсан бүсгүй нь нэг ч удаа гардаггүй.
Инстаграм-комик Shiggy тэр дор нь Кики хэрхэн рэпер луу машинаараа давхин ирж буйг харуулсан бичлэг хийлгэж цацсаны дараа цахим хэрэглэгчид өөр өөрсдийн хувилбарыг гаргах болжээ. Ийнхүү #InMyFeelingsChallenge хэштаг бий болж олон мянган хүн бичлэгээ оруулсан байна. Энэ флешбомын үеэр зарим хэрэглэгчид зөөлөн явж буй машинаасаа буун дууны аянд бүжиглэжээ. Үүнийг нь олон залуус дуурайх болсоноор цагдаагийн байгууллага эрсдэлтэй хэрэгт тооцож анхааруулга гаргажээ. Абу-Даби хотод ингэж бүжиглэсэн залуусыг баривчилсан тухай NDTV -д мэдээлсэн. Тэгвэл нэгэн бүсгүй машинаасаа буун бүжиглэж байгаад маш хүндээр хохирсон байна. Тэрээр машинаа зөөлөн явуулж өөрөө урд хаалганы хажууд бүжиглэж дагажээ. Бүжгийн хөдөлгөөнд цүнх нь саад болсон тул зам дээрээ унагаад цаашаа бүжиглэж явжээ. Гэтэл араас нь ирсэн скутертэй залуус зам дээрээ хэвтээ цүнхийг нь шүүрэн зугтаасан байна. Бүсгүй барьж зогсоох гэсэн боловч чадалгүй алджээ.
