Нууц мэдээллийн уурхай

Daily Mail –д мэдээлснээр Стивен Гамильтон гэдэг чинээлэг британи эр 10 жилийн турш төрөлх Бирмингем хотынхоо машин борлуулдаг нэг л компаниар үйлчлүүлж иржээ. Энэ хугацаанд тус компаниас өөртөө болон гэр бүл, хамаатнууддаа 10 машин худалдан авч нийтдээ 700 мянган фунт буюу 850 мянган долларын орлого оруулсан.
-Би 10 жилийн турш үйлчлүүлж байгаа тул компаний ерөнхий менежерээс эхлээд автосалоны цэвэрлэгч нь хүртэл намайг  нэрээр маань мэддэг, таньдаг байсан-
Энэ 6-р сард тэрээр хүүхэдтэй болсон тул эхнэртээ талархаснаа илэрхийлж машин бэлэглэхээр шийдэн нөгөө л компаниасаа 65 мянган доллароор “Range Rover” худалдан авчээ.

Гэсэн ч бэлэгний машин эхнэрийг нь баярлуулсангүй. Үнэтэй машин нь моторын маслоноос эхлээд аюулгүйн дэр зэрэг олон асуудалтай байсан нь хэрэглэх явцад илэрчээ. Уг машиныг гурван жилийн баталгаат хугацаагаар авсан агаад дээрхи хугацаанд гарсан эвдэрлийг борлуулагч хариуцах байсан тул Стивен санаа зовоогүй гэнэ. Гэтэл 10 жил үйлчлүүлсэн компани нь санаанд оромгүй ааш гаргажээ.
-Эхний удаад болсон явдлыг хэлэх гэж залгаад би бараг таван цаг утаснаасаа салаагүй. Хэн нь ч юу ч тайлбарлаагүй, гэмтэл засварыг хүлээн зөвшөөрч эсвэл татгалзаж буй нь мэдэгдээгүй. Ер нь туслахгүй гэдэг нь ойлгомжтой болсон-
Ийнхүү асуудлыг эвийн журмаар шийдэж чадсангүй. 10 машин худалдан авч бараг сая гаруй долларын орлого оруулсан атал хүний үнэргүй зан гаргасанд нь Стивен маш их гомдож бухимдсан гэнэ. Ингээд тэдэнд таарсан хариуг нь барихаар шийджээ. Стивен гэмтэлтэй машинаа дизайны студид аваачин хэдэн өгүүлбэр бичүүлээд дараа нь өөдгүй автосалоны үүдэнд нь аваачиж тавьжээ.

-Энэ автосалоноор битгий үйлчлүүлээрэй. Маш муу үйлчилгээтэй, ямар ч хариуцлагагүй, үйлчлүүлэгчидтэй холбоо барихаас зайлсхийдгээс гадна машины эвдэрлийг ч засаж чаддаггүй-
Ийнхүү өөдгүй зан гаргасан компаниас хатуугаар хариугаа авчээ. Бичигтэй машин автосалоны муу талыг олон нийтэд маш сайхан сурталчилжээ.

-Зарагдсан “Range Rover” тэдэнд хамаагүй гэнэ-
Стивений мэдэгдсэнээр түүнд ингэхээс өөр арга үлдээгүй аж. Маш их орлого оруулсан үйлчлүүлэгчид  тун муухай хандсан компанийхан хүртэх ёстойгоо хүртсэн гэнэ.
-Би дахин нэг хүн над шиг хулхидуулахгүй байгаасай гэсэндээ  машиныг автосалоны өмнө тавьсан-
Хулхидуулсан үйлчлүүлэгчийн хариу цохилт автосалоныг хүнд байдалд оруулжээ. Тэд яаран  Стивенийг урьж уулзан гомдлыг нь барагдуулах талаар хэлэлцжээ.
-Тэд намайг хэдэнтээ урьсан. Бүр оргилуун дарс задалсан ч би уугаагүй. Зүгээр л машиныг засаж өг гэсэн-
Тэрээр машиныхаа запаас түлхүүрийг өгөөд эвдрэл гэмтлийг нь зассаны дараа гэрт нь хүргэж өгөхийг шаарджээ.

NUUTS.mn