Нууц мэдээллийн уурхай

Abcnews-д мэдээлснээр холимог тулаанч Сержио Эрнандес нь гурван хүүхдийн аав, дээр нь шивээсний салоноо ажиллуулах гээд их завгүй байдаг ч тулаанд тогтмол оролцдог гэнэ. Мөн ганцаараа амьдардаг аавыгаа ч байнга эргэж тойрдог. Тухайн өдөр аав хүү хоёр хамт гэртээ иржээ. Гэнэт хүү нь аавынхаа байшингийн арын хашаанд нэгэн эрийг олж харжээ Урилгагүй зочин золбин нохойнд хөөгдөөд орж ирсэн гэхэд тулаанч итгэсэн байна. Гэтэл аавых нь байшингийн хаалга онгорхой, хамаг эд хөгшил нь ундуй сундуй болсон нь цонхоор харагдсанд тулаанч нөгөөх эрийн араас бушуухан хөөж гүйцжээ.

Тэр хоёрын хооронд богинохон зуурын тулаан болжээ. Холимог тулаанч хулгайчийг чөлөөт бөхийн мэхээр газарт унагаад жүдогийн мэхээр боож даралтанд оруулсан байна. Ингээд цагдаа иртэл таван минут хүлээсэн агаад аавых нь хөрш энэ бичлэгийг хийжээ.

Бичлэгийг ЭНД дар ...
-Би өчөөд түүний гарыг нь хугалж чадах байсан ч угаасаа хүн гэмтээх дургүй. Гэхдээ бусдын орон байранд нэвтэрч хулгай хийх нь тун өөдгүй хэрэг. Хэрвээ тавиад явуулбал дараа нь ахиад өөр айлаас хулгай хийнэ. Тэр залуу хоёр настай нялх хүүхэдтэй, цагдаад баригдвал хүүхдээсээ сална гээд явуулахыг гуйсан. Гэхдээ хулгай хийхээсээ өмнө хүүхдийнхээ тухай бодох ёстой байсан юм.
Энэ зуур аав нь тавиад явуулахыг хүүгээсээ гуйсан байна.

-Тэр залуу хүн. Амьдралаа өөрчилж зөв замд орох боломж цаг хугацаа байна-
Гэсэн ч хүү нь зөрсөөр цагдаад хүлээлгэн өгчээ.

NUUTS.mn