Нууц мэдээллийн уурхай

Тэртээх 1970-80 онд нэртэй байсан гэх Германы "Чингисхаан" хамтлагийн ахлагч өвгөнийг "Найрамдал" медалиар шагнуулахад Л.Оюун-Эрдэнэ баясаж Баабар бухимдлаа. Монголчуудыг зэрлэг бүдүүлэг, Чингис хааныг алан хядагч хэмээх буруу үзлийг орос хятадууд гаргаж ирсэн. Үүнийг нь дэлхий даяар дэлгэрүүлэхэд хамгийн их "хувь нэмэр" оруулсан нь энэхүү "Чингисхаан" хамтлаг юм. Энэ хамтлагийн "Чингисхаан" дууны үгнээс л үүнийг тодорхой мэдэж болох атал гадаадад сурсан гэх Л.Оюун-Эрдэний нүд чих одоо болтол нээгдээгүй явна.

Дуунд Чингис хааныг улстөрийн зүтгэлтэн, хөгжлийн шинэ хандлага гарцыг нээгч бус харин алж хядаж ууж идэж наргихаас өөрийг мэддэггүй бүлэг морьтнуудын овиргон онгироо толгойлогч гэж дуулдаг. Үүнийг нь ном уншдагаараа Баабар ухаж ойлгож байгаа бол Харвард төгссөн гэх Л.Оюун-Эрдэнэ ойлгодоггүй. Монголын төр Чингис хааны дэлхийн түүхэнд гүйцэтгэсэн үүрэг нөлөөг бодитойгоор үнэлэн цэгнэсэн бичгийн эрдэмтэд л гавьяа шагналаа олгох ёстой. Гэтэл Л.Оюун-Эрдэнэ мэтийн  эх оронч бус нөхдүүдээс болж монголчуудыг дэлхий даяар гутаан доромжилсон дуучид үнэлэгдэх боллоо. Өдгөө түүний дүү болох "Херо"-гийн Баатар энэ дуунд клип хийх гэж байгаа гэнэ.

НУУЦ.мн