Нууц мэдээллийн уурхай

Ерөнхий сайд У.Хүрэлсүх ээлжит сүржин мэдэгдлээ хийж төрийн албаны дээд, дунд тушаалын дарга нарыг ирэх сарын 1-нд ажил дээрээ бэлэн байхыг үүрэгдлээ. Уг нь бүр найр наадмыг дээр дурдсан хугацаагаар тасалбар болго гэж үүрэгдсэн гэх яриа гарсан ч хэвлэлийн алба нь үгүйсгэсэн. Налайдаг 8-р сард аймаг сум, жалга довны найр наадам болдогоороо болно гэнэ. Гэхдээ энэ нь ирэх сараас ажилдаа шуурхайлан орох шийдвэрийг нь шууд үгүйсгэж байна гэхэд болно. Манай дээд, дунд тушаалын дарга нэр хэзээний наргианч наадамч хүмүүс. Тэр тусмаа том наадмыг тойроод гарна гэж байдаггүй. Хамгийн наад захын жишээ гэхэд л ЗГХЭГ-ын дарга Г.Занданшатар 8-р сарын 3-5-ны өдрүүдэд болох Ламын гэгээний хошуу наадамд өргөн олныг урьж наадмын "наастр" түгээж сууна. ЗГХЭГ-ын даргын 8-р сарын 1-нд ажилдаа ирэх магадлал 0 хувьтай гэхэд болно. Харин ч Ламын гэгээний наадамд гангарах дээлээ өмсөж үзээд тольны өмнө эргэлдэж байх магадлалтай. Баянхонгорын том жижиг  дарга нар ч мөн адил. Ийнхүү Ерөнхий сайдын шийдвэрийг нь Засгийн газрын гал тогоо гэгддэг ЗГХЭГ-ын дарга нь замхруулаад сууж байна. Манай засгийн байж байгаа царай энэ.

НУУЦ.мн