Нууц мэдээллийн уурхай

-Эрлийз байна. Хас
-УИХ-ын гишүүний морь шүү дээ
-Уралдуул
-Эрлийз байна. Хас
-Сайдын морь шүү дээ
-Уралдуул
-Эрлийз байна. Хас
-Атаманы морь шүү дээ
 -Уралдуул
Ийм нэгэн шог яриа наадамчдын дунд таржээ. Их баяр наадамын Хурдан дааганы уралдаанд Булган аймгийн Хутаг-Өндөр сумын уугуул УИХ-ын гишүүн, Зам тээвэр хөгжлийн сайд Ж. Бат-Эрдэнийн бор даага түрүүлсэн. Гэвч сайдын бор даагыг эрлийз хэмээн хасаж, Н.Баярхүүгийн хүрэн даага түрүүлсэнд тооцлоо. Үүнд зарим нэгэн хүмүүс морины комиссыг хариуцлагагүй ажилласан хэмээн шүүмжилж хүүхэд морь хоёрыг гомдоолоо гэлцэж байна. Морины комисс маш их дарамт дунд ажилладагийг наадамчид мэддэггүй. УИХ-ын гишүүн Х.Болорчулууны морь эхний удаагийн хэмжилтээр хасагдсан ч дахин хэмжүүлээд уралдсан. Эрлийз монгол морины маргаанд морины комиссоос илүүтэйгээр морины эзэд уяачдад буруу их байдаг. Тэд эрлийз  морьдоо мэдсээр байж уралдуулах гэдэг. Ж.Бат-Эрдэнэ сайдын хувьд дааганыхаа эцэг эх, угшлыг мэдэхгүй байсан гэхэд хэн ч итгэхгүй. Хэрвээ өөрөө морь уядаг бол энэ зэргийн юмаа мэдэх ёстой. Сайдын урт хөлтэй, өндөр чацархаг харваас эрлийз  даага нь энэ ...

Төрийн том албаны хүн ёс жудагтай наадах хэрэгтэй. Тэр тусмаа төрийн наадамд ... Эрлийз монгол адууны маргаан улам бүр хурцдаж байгаагийн шалтгааныг энэ явдал ахин харууллаа. Учир нь жирийн уяачдын эрлийз гэх адуу шүдлүүлээд хэмжүүлээд л хасагддаг бол УИХ-ын гишүүн, Засгийн газрын сайд нарынх морины комиссыг хөнгөхөн давчихдаг. Үүнд л уяачид бухимдсаар байна.

НУУЦ.мн