Наран Хутагтыг хүлээж авсан цагдаагийн дарга нарт сахилгын шийтгэл ногдуулжээ
Нийтэлсэн: 2018-07-04 01:45:20
.jpg)
Цагдаагийн алба хаагчид Халхын их наран Хутагтыг угтан авч, шашны зан үйлд оролцлоо гэх мэдээлэл олон нийтийн сүлжээнд цацагдсан нь шүүмжлэл дагуулсан. Тэгвэл уг үйлдэл нь Монгол Улсын Төрийн албаны тухай хууль, Цагдаагийн албаны тухай хууль, Цагдаагийн алба хаагчийн ёс зүйн дүрмийг тус тус зөрчсөн гэх үндэслэлээр Цагдаагийн ерөнхий газрын дарга С.Баатаржав 2018 оны 07 дугаар сарын 03-ны өдрийн Б/476 тоот тушаал гаргаж Баянхонгор аймаг дахь Цагдаагийн газрын дарга, цагдаагийн хурандаа Ц.Анхбаяр, Говь-Алтай аймаг дахь Цагдаагийн газрын дарга, цагдаагийн хурандаа Г.Түмэннасан, Ховд аймаг дахь Цагдаагийн газрын дэд дарга, цагдаагийн хошууч Н.Бямбажав нарт Цагдаагийн албаны тухай хуулийн 81 дүгээр зүйлийн 81.4.2 дахь хэсэгт заасны дагуу сахилгын шийтгэл ногдуулжээ. Мөн бусад алба, нэгж, нутаг дэвсгэр хариуцсан цагдаа, дотоодын цэргийн байгууллагын удирдлагуудад Монгол Улсын Үндсэн хууль бусад хуулийн дээдлэн хүндэтгэж сахин биелүүлэх, Төрийн албаны болон төрийн албан хаагчийн ёс зүйн хэм хэмжээ, төрийн байгууллагын соёл, дэг журмыг сахиж, нэр хүндийг эрхэмлэн дээдлэх, Албан үүрэгтэйгээ холбогдолгүй асуудлаар нам, төрийн бус болон шашны байгууллагын үйл ажиллагаанд төрийн алба хаагчийн хувьд оролцохгүй байх зэрэг хуулийн зарчмыг үйл ажиллагаандаа мөрдлөг болгохыг үүрэг болгожээ.
NUUTS.mn
Бадарчин явсан газар балагтай.
лам залаад кккк бас болоогүй зургаа татуулаад байхдаа ч яахав дээ үнэн онигоотой