Тэрбумтан эр салсан эхнэрт нь оногдсон тансаг ЭДЛЭНГ Улаанбаатарын цэвэрлэх байгууламж шиг үнэртэй болгожээ
Нийтэлсэн: 2018-07-02 05:19:42
.png)
New York Post -д мэдээлснээр Америкийн тэрбумтан Билл Гроссын эхнэр Сьюгаас салах шүүхийн ажиллагаа өнгөрсөн жилийн эхээр эхэлж саяхан л дуусжээ. Салсан эхнэр нөхөр бүр хонь чоно болж бие биенээ сэтгэцийн эмгэгтэй гэж буруутгасан. Шүүхийн шийдвэрээр тэднийг бие биендээ ойртохыг бүрмөсөн хориглосон ч харилцан өшөө авахад нь саад болсонгүй. Салалтын гол маргаан дундын өмч хуваахад гарсан агаад тэрбумтны хайртай Laguna Beach хэмээх Калифорнийн далайн эрэг дээрх тансаг эдлэн нь шүүхийн шийдвэрээр эхнэрт нь оногдсон байна. Тэрбумтан 1,2 мянган м2 газартай эдлэнгээ алдсаныг өөрчлүүлэх гэж заргалдсан ч бүтээгүй тул тун өөдгүй аргаар эхнэрээсээ хариугаа авчээ. Шүүхийн эцсийн шийдвэр гарсаны дараа тэрбумтан тусгай ажилчид нууцаар хөлслөн авч эдлэнгийнхээ бүхий л сантехникийн шугам, хоолой, агааржуулалтын хоолойд хүртэл ялзарсан загас, муудаж илжирсэн хог новш хийлгэжээ. Мөн эдлэнгийн байшингийн өнцөг булан бүрд ил жорлонгоос дор үнэр гаргадаг савтай үнэртэнг олноор нь нуужээ.
.jpg)
Ингэж өшөөгөө авсаны “хүчинд” эдлэн нь хүн тогтохын аргагүй муухай үнэртэх болжээ. Баян өөдгүй нөхрөөсөө тансаг эдлэн салгасан эхнэр нь нүүж ирсэн дороо муухай үнэрт нь байж суух аргагүй болж буцаж нүүсэн гэнэ. Түүнээс гадна байшингийн дотоод заслыг сэвтээж хөшөө баримлыг гэмтээсэн аж. Удалгүй экс нөхөр нь энэ бүх өөдгүй зүйлийг хийснийг олж тогтоогоод шүүхэд хандсан байна. Тэрбумтан эр ч тэр дор нь сөрөг нэхэмжлэл гаргажээ. Түүний баталсанаар салахаар болсоноос хойш эхнэр нь гэрээс нь хулгай хийж эхэлсэн гэнэ. Бүр алдарт зураач Пабло Пикассогийн 1932 онд зурсан маш үнэтэй “Амар амгалан” гэдэг уран зургийг хулгайлаад оронд нь хуулбарыг нь өлгөсөн байжээ.
НУУЦ.мн
