“Цадталаа ид” арга хэмжээг эхлүүлсэн РЕСТОРАН 14 хоногийн дотор дампуурчээ
Нийтэлсэн: 2018-06-21 02:13:00
.jpg)
Хятадын Сычуань мужийн Чэндү хотын “Jiamener” зоогийн газар үйлчлүүлэгчдийг татах, ханган нийлүүлэгчидтэйгээ ашигтай үнээр гэрээ байгуулахын тулд “Цадталаа ид” гэсэн арга хэмжээ нээж 25 долларын бүтэн сарын турш үнэгүй хооллох эрхийн бичгийг тараажээ. Гэтэл энэ нь том алдаа болсон байна. Эрхийн бичигт үйлчлүүлэгчийн нэрийг орхигдуулсан тул авсан хүн нь ах дүү хамаатан садан, найз нөхөддөө дамжуулан өгч хэрэглүүлж гарчээ. Ингэж хавтгайрсаны харгайгаар нэг өдөрт гэхэд л 500 хүн цадталаа бас үнэгүй хооллож байжээ. Энэ мэтээр “Цадталаа ид” арга хэмжээ эхэлсэнээс хойш ердөө 14 хоногийн дараа зоогийн газар бүрэн дампуурч эзэд нь ханган нийлүүлэгчдийнхээ өмнө 100 мянган доллартай тэнцэх хэмжээний юаны өрөнд унажээ.
NUUTS.mn
