Замын-Үүдийн жолооч нарын үймээн Монгол дарга нарын шахаанаас болсон гэжээ
Нийтэлсэн: 2018-06-20 01:44:04
.jpg)
Өнгөрсөн лхагва гаригийн өглөө Дорноговь аймгийн Замын-Үүд боомт дээр иргэд, цагдаа нарын хооронд багагүй тэмцэл өрнөв. Зарим эх сурвалж, өмнө нь Хятадын тал хилээр хүн, ачаа зөөдөг “УАЗ 469” автомашинуудаас 100-гаадыг нь хасч, үлдсэн бүх машин нь өнгө үзэмж, техникийн асуудалгүйгээр хилээр орж, гарч иргэдэд үйлчилгээ үзүүлсээр ирсэн. Гэтэл энэ удаа дахин 320 машин хасаж, Хятадын талаас 100 машин оруулж ирэх, ямар ч ачаа оруулахгүй байх зэрэг арга хэмжээ авч эхэлсэн тул иргэд эсэргүүцлээ ийнхүү илэрхийлэхэд хүрсэн гэв. Орон нутгийн эх сурвалж хэлэхдээ, Монголын эрх мэдэл бүхий хүмүүс “Манайх 469-өө дийлэхгүй нь. Танайхаас арга хэмжээ авч, 469-ийг болиулж, өөрсдийн машиныг явуулна уу” гэсэн хүсэлт гаргасны улмаас ийм эмх замбараагүй байдалд хүрсэн гэлээ. Жолооч нарын ярьж байгаагаар 200 микро шахах гээд байгаа гэнэ. Зарим нь эндээс сонгогдсон Дэлгэрсайхан гишүүний хийж байгаа ажил л гэж хардаж байгаа аж. Одоогоор цагдаагийн байгууллага эсэргүүцлийн цуглааныг хүчлэн тараахаар шахаж байна. Ерөнхий сайд удахгүй Дорноговьд нефть боловсруулах үйлдвэрийн шав тавих ёслолд оролцохоор ирэх агаад үүнээс өмнө үймээнийг нам дарахаар шийджээ.
NUUTS.mn
