Нууц мэдээллийн уурхай

People-д мэдээлснээр Америкийн Пенсильвани мужийн 74 настай Фредерик Уоринг эцэг хүний бахархам гавьяаг байгуулжээ. Түүний 23 настай охин Себий нь хуримаа хийсэн агаад таван сартай бие давхар байжээ. Шинжилгээгээр ихэр хүүхэд тээж байгаа гэж гарсан.

Бүсгүйн сонголт, хурим нь гайхалтай болсон ч нэг л таагүй зүйл байсан нь тэрээр бусдын нөхрийг салгаж суусан гэнэ. Хуримын дараа Себий цахим хуудсандаа “ингээд нөхөрт гарлаа” хэмээн пост бичиж гэрлэх ёслолын гоё зургуудаа оруулсан нь нөхрийх нь экс эхнэрт таалагдсангүй.

Экс эхнэр нь зургийн дор “та хоёр ч бие биендээ таарсан амьтад даа, харин хүүхдийг минь зовоогоод үзээрэй” гэснээр хоёр эмэгтэй цахимаар хэрэлдэж гарчээ. Бүр уулзаж учраа ололцохоор цаг болзсон байна. Экс эхнэр нь оройн 10 цаг 30 минутын хамт хоёр эрэгтэйн хамт хүрээд иржээ. Энд хэрүүл маргаан ахин дэгдэхэд экс эхнэр нь “эднийг бууд алаад өг” гэж хашгирсан байна. Хамт ирсэн хоёр эрэгтэйн нэг нь буу гарган Себий руу гал нээхэд 74 настай эцэг нь насандаа баймгүй эр зориг самбаа гаргаж өмнүүр нь орж халхлан охиноо аварч өөрөө хүнд шархаджээ. Өвгөн эцгийх нь биед 10 сум орсон ч тэрээр жирэмсэн охин,ирээдүй ач нараа аварч чадсан. Охин нь хөлөндөө хөнгөн шархадсан гэнэ. Буудсаны дараа гэмт этгээдүүд зугтаж амжжээ. Фредерикийг эмнэлэгт хүргэж яралтай хагалгаа хийсэн ч бие нь өдгөө хүнд байгаа аж.
 

НУУЦ.мн