ДАШТ-ий анхны хулгайг монголчууд хийгээд баригджээ
Нийтэлсэн: 2018-06-17 00:52:38
.jpg)
ОХУ-д энэ удаагийн Хөл бөмбөгийн ДАШТ болж буй билээ. Дэлхийн өнцөг булан бүрээс тус спортын хорхойтнууд ОХУ-ыг зорин ирсэн байх бөгөөд огт өөр зорилгоор очсон хүмүүс ч мэр сэр үзэгдэх болжээ. Тэмцээний үеэр хулгайн гэмт хэрэг гарсан бөгөөд хулгай хийсэн этгээдүүдийн талаар тус улсын хэвлэл мэдээллийн хэрэгслээр цацагдаж эхэлжээ. Монгол улсын иргэд энэхүү гэмт хэрэгт холбогдсон бөгөөд Мексикийн хөгжөөн дэмжигчийн халааснаас дөрвөн ширхэг тасалбар мөн гадаад пасспортыг нь хулгайлсан этгээдүүд баригджээ. Манай улсын иргэдийг хэд хэдэн улс оронд зорчих болон үйлчүүлэхэд тодорхой хэмжээгээр хориг тавьсан байдаг бөгөөд дэлхий нийтийн анхаарлын төвд болж буй тус тэмцээний үеэр ийн мэдээлэл цацагдаж улс орны нэр хүндийг унагаж буй нь тун ч харамсалтай.
НУУЦ.мн
