Нууц мэдээллийн уурхай

Байшинг нь гахайн хороо болгоод зугтаасан түрээслэгчээс байрны эзэн өвөрмөц аргаар хариугаа авсан тухай Huffington Post-д мэдээлжээ. Францын Розуа-сюр-Сер гэдэг хотын иргэн Томас Раво нь орон сууц түрээслүүлдэг гэнэ. 10 жилийн өмнө их засвар хийсэн байшингаа гурван хүнтэй айлд түрээслүүлсэн аж. Байрыг хүлээлгэж өгөхөд бүх зүйл нь хэвийн байсан ч энэ удаад тот хохирчээ. Түрээслэгч нь анхнаасаа нэг л биш байжээ. Түрээсээ хугацаа хоцруулан төлж сүүлдээ бүр төлөхөө байсаар 14 сар болжээ. Түрээслэгч утсаар залгаж захидал илгээж холбоо барих гэсэн боловч чадсангүй. Эцэст нь байшиндаа очиход бүр хаалгаа ч тайлж өгөөгүй байна. Ийнхүү удсаны дараа хөршүүд нь залгаж байшингаас нь эвгүй үнэр үнэртэж байгаа талаар гомдолложээ. Байрны эзэн арга буюу хаалгаа эвдэн ороход ийм байдал угтжээ.  Байшин нь жинхэнэ гахайн хороо болж хог новшоор дүүрчээ.

Бүх тавилга нь эвдэрчээ.

Хоол хүнсний зүйл нь муудаж ялзарч өмхий үнэртэж байжээ.

Харин түрээслэгч зугтаасан байв.  Томас байрныхаа хөөрхийлөлтэй байдлын зургийг авч цахимаар цацжээ. Мөн хүн хөлсөлж байраа цэвэрлүүлсэн байна. Энэ зуур эрж хайсаар өөдгүй түрээслэгчийн шинэ байрны хаягийг олж авчээ. Ингээд тэдний тарьсан бүх хог новшийг машинд ачаад байрных нь үүдэнд асгаж хариугаа авсан байна.
Бичлэгийг ЭНД дар ...
Олон хүмүүс энэ үйлдлийг нь сайшааж байгаа ч өдгөө түүнд хотын гудамжинд хог хаясан гэх үндэслэлээр 450 еврогийн торгууль оногдуулахаар болжээ.

НУУЦ.мн