Нууц мэдээллийн уурхай

Техас мужийн Мило Сатклифф гэдэг эр эхнэр Женнигийн хамт цэцэрлэгийнхээ хог ургамлыг түүж байхад өвсөн дундаас  1,2 м урт хоржигнуурт могой гэнэт гарч иржээ. 

Айсан эхнэр нь чанга хашгиран зугтаасан бол нөхөр нь шалмаг хөдлөн хүрзээрээ толгойг нь тас цавчжээ. Тэр дороо тас үсэрсэн могойн толгойг авч алган дээрээ тавьсан нь маш  том алдаа болжээ.

Толгойгоо тас чавчуулсан ч гол нь тасраагүй байсан могой өөрийг нь хөнөөсөн хүний гарыг хазаад л үхжээ. Хэдхэн минутын дараа хор үйлчилж Милогийн бүх бие чичрэн нүд нь харанхуйлж ухаан алдан унажээ.

Эхнэр нь аврах алба дуудсанд нисдэг тэргээр ирж нөхрийг нь авч явсан байна. Эмнэлэгт хүргэх замд бие нь минут тутамд улам муудаж байжээ. Эмч нар могойн  хорны ерөндөгийг 26 тунгаар тарьсан ч амь нас нь дээсэн дөрөөн дээр байсан тул эцэст нь эхнэрийг нь оруулж байдлыг мэдээлжээ. Гайхалтай нь нөхрийх нь бие аажмаар дээрдсэн гэнэ. Удалгүй ухаан орж эмнэлэгт хэдэн өдөр хэвтээд гарчээ.

Гэхдээ могойн хорноос болж бөөрний үйл ажиллагаанд нь өөрчлөлт орсон тул ойрын хэдэн сар эмчийн хяналтанд байхаар болжээ.
 

НУУЦ.мн