Нууц мэдээллийн уурхай

Хэнтий аймгийн Бор-Өндөр сумын Хятадын хөрөнгө оруулалттай “Жин Тай Хэ” ХХК-ийн захирал Л.Ж нь монгол хүнийг зоджээ. Уулын байжуулах үйлдвэрийн ажилчид нь ирсэн машинд дайгдан төв ордог байжээ. Энэ зангаар хохирогч нь үйлдвэрт ажилчдаа буулгаад буцах гэж байсан хятад захирлын машинд сууснаас болж хэрэг дэгджээ. Болсон явдлын тухай хохирогч нь “... төв рүү орох гээд харуулын гадна хаалган дээр цэнхэр хөх өнгийн Пикап шиг машин ирж зогсоод дотроос нь 2-3 хүн буугаад үйлдвэр лүү орсон. Тэгэхээр нь би ороод хойд суудалд суусан... жолооч нь хятад хүн байсан. Төв рүү ороод буучихъя гэж дохио зангаа ашиглаж хэлэхэд хятад жолооч юу хэлж байгаа нь мэдэгдэхгүй шулганаад байсан. Машин хөдөлж төв рүү явсан. 40-р байрны хажууд ирэхэд нь буух гэтэл зогсолгүй явсаар шүүхийн үүдэнд ирж зогсоод бууж утсаар ярьсан. Буух газар зогсоогүйд нь уурлаж далных нь хооронд алгадсанд хятад эргэж хараад миний баруун талын хөлний гуя хэсэгт нэг удаа өшиглөсөн... Төд удалгүй хул шар өнгөтэй приус урдуур 20 маркийн машин ирсэн. Машин дотроос миний мэдэх “Жин Тай Хэ” компаний  монгол талын захирал Б болон дөрвөн хятад  бууж ирээд хашгиралдаад дайрах үед гэнэт араас цохиж би ухаан алдаж унасан...  Би уг машины жолоочийг хятад хүн гэж мэдээгүй, уурхайчид бид ажил тарах үед машин тэргэнд дайгдчихдаг болохоор л машинд суучихсан...” гэжээ. Монгол хүнийг зодсон хятад захирал нь тариачин мэргэжилтэй бага боловсролтой гэнэ.

НУУЦ.мн