Нууц мэдээллийн уурхай

Урт цагаан худалдааны төвд түлхүүр олшруулах, гутал, цаг засварын ажлыг хийдэг байсан А.Н нь 2017 оны 7 дугаар сарын сүүлээр Замын-Үүд боомтоор гарч БНХАУ-ын Эрээн, Хөх хот Бээжин, Чиндао гэдэг хотоор явж “хөрөнгө оруулалт” хайсан гэнэ. Түүнийг Хөх хотод байхад нь Монголоос О.Г гэдэг найз нь ирж хоюулаа болжээ. Тэд хамтдаа “бизнесийн судалгаа” хийж нэлээд явсан агаад Шандунь мжийн Вэй хот очсон өдрөө үдээс хойш нь “Zara” брэндийн дэлгүүрээс найман мянган юаны хувцас хулгайлжээ. Орой нь зочид буудалдаа олзоо үзэн хэвтэж байхад нь хятад цагдаа нар орж ирэн баривчивчилжээ. Тэд нийтдээ 12 хоног хоригдоод дараа нь гадуур байцаагдахаар суллагдсан. Дэлгүүр алдсан хувцсаа бүрэн бүтэн олж асан тул сүртэй гомдол гаргаагүй аж. Хоёр монгол гадуур байцаагдаж байхдаа гадагшаа явж болохгүй гэсэн хоригийг нь зөрчин Хөх хот руу зугтжээ. Гэсэн ч тэнд очоод хоорондоо муудалцан А.Н нь Эрээнээс  саарал өнгийн хятад жийпэнд нуугдан хил амжилттай даван орж чаджээ. Үүнийг нь ВиЧат-аар холбоо барихдаа мэдсэн О.Ц нь “туршлагыг” нь хэрэгжүүлэхээр шийдэн Эрээний зогсоол дээр очиж “УАЗ-31512” маркын машины жолооч Н.Г-тэй уулзжээ. Тэрээр Эрээнд удсан, өнчин өссөн гэх мэтээр “зовлон” тоочсоор ачааны голд нь нуугдан хил давахаар тохиролцжээ. Жолооч гурван мянган юань төлж дээр нь гурван мянган юаны бараа ачихыг тулгасанд зөвшөөрчээ. Гэсэн ч Замын-Үүдээр орж ирээд л баригдсан байна.

НУУЦ.мн