Нууц мэдээллийн уурхай

Ийм санаанд оромгүй байдлаар хүчингийн хэрэг хийгээгүйгээ нотлон харуулсан явдал Америкийн Коннектикут мужийн Нью-Хейвен хотын шүүхэд гарсан тухай The Sun-д мэдээлжээ. 2012 онд тус мужид 10 настай охиныг нэгэн хар арьстан хүчирхийлсэн хэрэг гарсан агаад хэргийн мөрдлөг одоо ч үргэлжилж байна. Хохирогчийн мэдүүлснээр хүчирхийлэгч хар арьстын бэлэг эрхтэн нь биеийн бусад хэсгээсээ илүү цайвар өнгөтэй байсан гэнэ. Энэ хэрэгт одоогоор хэд хэдэн хүнийг сэжиглэн баривчлаад байгаагийн нэг нь 26 настай Десмонд Жеймс юм. Сэжигтнүүдийг хохирогчоор таниулах ажиллагааны үед охин түүнийг хамгийн адилхан байна гэж мэдүүлсний дараа баривчлагдсан. Саяхан энэ хэргийн ээлжит шүүх хурал болж өмгөөлөгч нь үйлчлүүлэгчийнхээ бэлэг эрхтнийг хохирогчийн баталж байгаа шиг цайвар биш гэдгийг харуулах хүсэлт тавьсан байна. Хэдийгээр энэ нь Десмондын хувьд тун хэцүү даваа байсан ч биеэ өмгөөлөхийн тулд өмдөө тайлан харуулахад бэлэн гэдгээ мэдэгджээ. Үүний дараа шүүгч нотлох баримтыг биеэр үзүүлэхийг зөвшөөрч мөн тангарагтнуудад “маш хувийн чанартай нотлох ажиллагаа явагдана” хэмээн анхааруулжээ. Ингээд сэжигтэн нь шүүгч, тангарагтнуудын өмнө өмдөө тайлж харуулсан байна. Хэдийгээр түүний бэлэг эрхтэн нь хохирогчийн нотлоод байгаа шиг цайвар бус харин биеийн бусад хэсэг шигээ хар өнгөтэй байсан ч шүүгч үргэлжлүүлэн цагдан хорих шийдвэр гаргажээ.

NUUTS.mn