Нууц мэдээллийн уурхай

Fox News-д мэдээлснээр Роберт Браун гэдэг эрийн хүү 19 настай хүү Картер нь Кейли гэдэг охинтой гурван жилйин өмнөөс үерхэж иржээ. Удалгүй залуус бие биедээ дурлажээ.  Гэтэл Индиана мужийн их сургуульд сурдаг залуу найз бүсгүйнхээ төгсөлтийн баяраас нэгхэн сарын өмнө автомашины ослоор амиа алджээ. Ийнхүү гэр бүл нь хүүгээ, бүсгүй найз залуугаа алджээ. Төгсөлтийн баярын өмнөхөн аймшигт явдал тохиолдсон тул бүсгүй баярын арга хэмжээнд оролцохгүй байхаар шийджээ.

Тэр тусмаа найз залуу нь хамт очно хэмээн амласан төгсөлтийн баярын үдэшлэгт бүр ч очихгүй байхаар шийдсэн. Кейли бараг тэдний гэр бүлийн гишүүн болсон тул хүүгийнхээ энэ амлалтын талаар аав нь мэдэж байжээ. Ингээд  талийгаач хүүгийнхээ оронд Кейлийг үдэшлэгт хүргэж өгөх санал гаргажээ.
-Хүү нь эелдэг бусдын төлөө санаа тавьдаг сайн залуу байсан юм. Хүү маань Кейлийг төгсөлтийн баярын үдэшлэгтээ очихыг хүсэж байсан. Харин аавын хувьд би энэ хүслийг нь биелүүлэхээр шийдсэн-
Талийгаач найз залуугийх нь аавын санал Кейлид их таалагджээ. Ингээд Картертай хамт хийхээр төлөвлөж байсан төгсөлтийн баярын үдэшлэгийн төлөвлөгөөгөө биелүүлж эхэлжээ.  Тэрээр зураг авахуулжээ.

Дараа нь Картерийн дуртай “Audi TT” машинаар үдэшлэгтээ явжээ.

Замдаа хүүтэй нь анх удаа болзож байсан түргэн хоолын газарт орсон байна.

-Би түүнийхээ ааваар нь төгсөлтийн баярын үдэшлэгтээ хүргүүлсэндээ их баяртай байна. Тэнгэрт байгаа Картер минь үүнийг хараад баярласан нь лавтай-
Бага хүүгээ алдсаны дараа .Брауны гэр бүлд ахин том гай тохиож ууган хүү Кристофер нь нас баржээ.
-Амьдрал биднийг байнга шалгаж туршиж байдаг. Ямар ч гай зовлон тохиолдсон урагшаа  тэмүүлэх зориг хүчийг гаргах л учиртай-

НУУЦ.мн