Муурнаас болж салсан хос эргээд нийлсэн ч МУУРНААС болж тусдаа байшинд амьдарч байна
Нийтэлсэн: 2018-05-26 02:18:51
.jpg)
Metro –д мэдээлсэнээр Тревор болон Марлен Ховс нар нь 1960 оны эхээр гэрлэсэн. Гэрлээд сайхан байшин, хоёр ч хүүхэдтэй болсон ч нөхөр нь гэртээ нэг л тав тухгүй эвгүй байдаг байсан нь муурнаас болжээ. Учир нь эхнэр Марлен нь муурны тэр тусмаа үнэтэй ховор үүлдэр гэгдэх перс муурны том хорхойтон аж. Харин нөхөр нь мууранд тур дургүй байжээ.
.jpg)
-Тревер яагаад ч юм мууранд дургүй, гэртээ байлгахгүй гэдэг байлаа. Надтай танилцах үед би долоон муур тэжээдэг байсан гэхээр түүнд их хэцүү байсан биз-
Эцсийн эцэст Тревор эхнэрдээ нөхөр муурынхаа аль нэгийг сонгохыг тулгахад гайхалтай нь муурнаасаа салахгүй гэжээ. Ингээд тэд албан ёсоор салсан.
-Би гэрлэх үедээ долоон мууртай байсан бол салахдаа бүр 10-тай болсон байсан тул Тревор тэсээгүй-
Тревор ахин гэрлэсэн бол экс эхнэр нь муур үржүүлгийн ажилдаа их амжилт олжээ. Түүний муурнууд хэд хэдэн том тэмцээнд түрүүлэн, өөрөө нэрт муур үржүүлэгч, муурны том мэргэжилтэн хэмээн алдаршсан. Бүр Марлены тухай баримтат кино хүртэл хийжээ.
.jpg)
-Би Тревортой гэрлэхээсээ өмнө муур тэжээдэг байсан. Би мууранд бүх амьдралаа зориулж явна-
Салсанаасаа хойш 30 жилийн дараа Марлен “Channel 5” ТВ-гийн шоу нэвтрүүлэгт муурнуудынхаа хамт оролцсоныг экс нөхөр нь зурагтаар үзжээ. Тэр үед хоёрдахь эхнэр нь нас бараад 10 жил өнгөрч бас ганцаардсан байсан гэнэ. Ингээд харилцаагаа сэргээхээр шийдэн охиноороо дамжуулан экс эхнэрээ хоолонд урьжээ. Марлен ч түүний сэтгэлийг хүлээн авч тэд энэ оны 3-р сард ахин гэрлэсэн.
.jpg)
Гэтэл ахин муурны асуудал босож ирсэн ч нөхөр нь урьдчилан сэргийлэх арга хэмжээ авчээ. Тэрээр 10 гаруй муур гүйлддэг эхнэрийнхээ байшингаас ердөө хагас цаг алхах зайд бас нэгэн байшин худалдан авч тусдаа амьдрах болжээ.
-Бид ярилцаад Треворын гаргасан саналын дагуу тусдаа байшинд амьдрахаар шийдсэн.-
Гэхдээ нөхөр нь эхнэрийнхээ гэрт бараг очдоггүй агаад эхнэр нь өдөр бүр муургүйгээр ирдэг гэнэ.
NUUTS.mn
