"Шилдэг" хотын иргэд утаа өмхийний талаар ГОМДОЛЛОХ ёсгүй
Албан мэдээнд дурдсанаар Монгол Улсын Засгийн газар 2017 оны нийгэм, эдийн засгийн үзүүлэлтээрээ тэргүүлэн бодитой шинэ бүтээн байгуулалт өрнүүлснийг өндрөөр үнэлэн Улаанбаатар хотод Засгийн газрын батламж гардуулжээ. Ийнхүү бид шилдэг хотын иргэд боллоо. Шилдэг хотын иргэдийн хувьд хотынхоо нэр хүнд, ялангуяа хотын даргын нэр хүндийг тэргүүн ээлжинд хайрлах хамгаалах үүрэгтэй болж байна. Үүний тулд та бид утаа, өмхий, түгжрэл, хог хягдал золбин ноход гээд ярьдаг хэлдэг шүүмжилдэгээсээ татгалзах ёстой . Хэрвээ ярьдагаараа яриад шүүмжлээд эхэлбэл энэ нь хотын мааньтэр тусмаа хотын даргын маань өндөр их нэр хүндэд харш юм. Шилдэг хотын иргэд бид өөрсдөө “шилдэг” байх ёстой. Үүний тулд ганцхан зүйл л хийх хэрэгтэй нь шүүмжлэлээ зогсоох явдал юм. Утаанд угаартсан ч угаартаагүй мэт өмхийнд бөөлжис хүрсэн ч хүрээгүй мэт явцгаая ... Улаанбаатар хот маань угаасаа шилдэгээр шалгарах нь тодорхой байсан. Тэртэй тэргүй өрсөлдөх томхон хот байх биш. Муу байсан ч муухай байсан ч шилдэгээр тодорно. Дарга нь урагшгүй байсан ч ухаангүй байсан ч шилдэгт тооцогдоно.
НУУЦ.мн
