Нууц мэдээллийн уурхай

Mirror –д мэдээлснээр Хятадад өвөрмөц нэгэн барьцаалсан хэрэг гарчээ. 23 настай залуу 26-тай найз бүсгүйгээсээ салж байгаагаа хэлж сүүлчийн удаа уулзжээ. Харин бүсгүй сүүлчийн удаа үнсэлцэхийг хүссэнд зөвшөөрсөн байна.  Гэтэл бүсгүй үнсэлцэх үедээ залуугийнхаа хэлийг угаар нь хазаж “барьцаалжээ”. 

Тэр дороо газарт унаж өвдсөндөө хөдлөж ч чадаагүй байна. Хэрвээ эсэргүүцвэл хаягдсандаа уурлаж улайрсан экс нь хэлийг нь тас хазаж ч мэднэ гэдгийг ухаарчээ. Газарт эвхрэлдэн унасан хосыг хүмүүс анзаарч эхэндээ гайхсан ч байдал нэг л сэжигтэй байгааг ойлгож цагдаа дууджээ.

Зарим нь бичлэг хийсэн байна. Цагдаа нар салгах гэж янз бүрээр оролдсон ч дийлсэнгүй. Бүр бүсгүйн эрүүг заах гэж үзжээ.

Эцэст нь ухаан алдуулах гаазаар шууд шүршсэн байна. Бүсгүй газар дээрээ ухаан алдан унасан бол залуу ч мөн хохирчээ.

Гэхдээ хэл нь бүтэн үлдсэн. Бүсгүйн  эцэг эхийн мэдэгдсэнээр охин нь өмнө нь таван жилийн турш сэтгэл мэдрэлийн эмчийн хяналтанд эм ууж эмчлүүлж байсан аж.

NUUTS.mn