Нууц мэдээллийн уурхай

Ийм нэгэн хэрэг Баянзүрх дүүргийн 12-р дугаар хороо, Статистикийн 1 ...-р гудамжны ... тоотод гарчээ. Иргэн Г.Л-ыг гэртээ ирэхэд “Акира” маркийн шилэн ус буцалгагч, хоёр литрын халуун сав, хуучны шилэн гүц, 40 инчийн “Сони” маркийн лсд зурагтыг хагалж устган гэмтээсэн байжээ. Эд хөрөнгөө бүртгэж үзэхэд алдагдсан зүйл байсангүй. Ингээд цагдаад хандахад экс эхнэр Д.М нь үйлдсэн болохыг тогтоогджээ. Тэрээр “... Г.Л нь миний салсан нөхөр.  Тэрээр хүүхдүүдээ хоолонд оруулна, хоёр сарын тэтгэмжийн мөнгийг нь өгнө гэж ярьсан. Гэсэн ч ирээгүй тул хүүхдүүд маань уйлсан.  Намайг залгахад маргааш мөнгө шилжүүлнэ гэсэн. Гэтэл маргааш нь утсаа авалгүй шууд тасалсан. Ингээд би ярилцахаар гэрт нь очтол эзэнгүй байсан. Надад нэг түлхүүр нь байсан юм. Онгойлгох гэхэд цоожны голоо сольсон байсан тул цонхоор нь орж зурагтыг нь хагалсан...” гэжээ.  Харин хохирогчийн шинэ эхнэр нь “...  гэртээ ирэхэд байшингийн цонх онгойсон байсан. Манайх давхар хаалгатай, тухайн үед дотор талын хаалга онгойсон байсан. Ороход үүдэнд байдаг гоо сайхныхэрэгслийн тавиур унасан байсан. Хөргөгчинд байсан хүнсийг гаргаад цацчихсан,  гэрийн бүх эд зүйлсийг газар унагаж шидсэн эвдэлсэн байдалтай байсан.Цагдаа ирэхээр нь бид нар юмаа бүртгэхэд алдагдсан эд зүйлс байгаагүй. Харин зарим эд зүйлийг эвдэлсэн байсан ...” гэжээ. Экс нөхөр нь тухайн үед сар бүр төлдөг хүүхдийн тэтгэмжээ төлөөгүй байсан агаад эд хөрөнгийг нь устгаж гэмтээсэн эмэгтэйг 500 мянган төгрөгөөр торгожээ.
 

NUUTS.mn