Нууц мэдээллийн уурхай

The Sun-д мэдээлснээр Бразилийн Монте-Карло гэдэг шоронгийн хүн амины ялтай хоригдол алдарт “Шоушенкаас оргосон нь” киноны үйл явдлыг давтахын даваан дээр азгүйтэж амиа алджээ.

Жадсон Кунья Евангелиста нь хүний амь хөнөөсөн хэргээр 25 жилийн хорих ял авсан ч амьдралынхаа энэ их цаг хугацааг шоронд өнгөрүүлэхийг хүсээгүй гэнэ.

Камерт ганцаараа сууж байсан тул газар доогуур хонгил ухаж оргохоор төлөвлөжээ. Ингээд камерийнхаа жорлонгийн бохирын хоолойг дагуулан нүхэн гарц ухаж эхэлсэн байна.

Тэрээр бохирын хоолойг баримжаалан шоронгийн цахилгаан шийтийг өнгөрч хамгаалалтын хашаа хүртэл нийтдээ 70 метр урт хонгилыг хэдэн сарын турш ухжээ. Хонгил нь шоронгийн хашаан доогуур гарч ойд хүрэх ёстой байсан гэнэ. Гэсэн ч түүнд аз дутаж эрх чөлөөтэй болоход ердөө  нэгхэн метр үлдээд байхад хонгилоо ухаж байхдаа агааргүйдэж амиа алджээ.

Шоронгийн хуягууд цогцосыг гаргаж авсан агаад хөлдөө эд зүйлээ хийсэн шуудайг оосороор уясан байжээ. Мөн хонгилоос дэнлүү олжээ.  Оргох гэсэн хоригдлыг цогцосыг гарган авсаны дараа хонгилд бетон цутгаж тагласан гэнэ.

NUUTS.mn