Нууц мэдээллийн уурхай

Өнгөрсөн долоо хоногт Английн ханхүү Харри, гүнж Меган нарын хурим дэлхийг донсолгосон. Хуримын хүндэт зочидод Хатан хааны гэр бүлээс бэлэг өгсөн ч сэргэлэн хүмүүс гуравхан хоногийн  дараа интернэтээр зарж эхэлсэн тухай DailyMail-д мэдээлжээ.  Дээдсийн хуримд 600 вип болон энгийн гэх 1200 зочин уригдан оролцсон. Энгийн гэх зочдыг буяны болон хүмүүнлэгийн ажил явуулдаг байгууллага хүмүүсээс тодруулсан гэнэ. Зочин бүрд ханхүү Харри, гүнж Меган нарын нэрийн өмнөөс цаасан ууттай бэлэг өгсөн. Бэлэгт Виндзорын шилтгээний устай лонх, том шокалдан мөнгө, жигнэмэг зэрэг орсон.

Мөн хуримын бэлтгэлийн үйл ажиллагаанд оролцсон дэлгүүрүүдээр 20 хувийн хөнгөлөлт эдлэх купон өгчээ. Гэтэл зочид бэлгийг нандигнан хадгалахын оронд интернэтээр зарж эхэлсэн байна. Зарагдсан хамгийн эхнийх нь HR менеджер Клэр Оливерд өгсөн бэлэг байсан агаад “eBay”-гаар 21400 фунт хүрч зарагджээ.

Түүнээс гадна 25 зочин авсан бэлгээ зарахаар зар тавьсан байна.

Мөн хуримын түүхэн өдөр хэвлэгдэн гарсан Английн дөрвөн том сонины дугаарыг ч зарахаар оруулжээ.

Харин хуримд оролцож чадаагүй хүмүүсийн түүхэн баримтыг мөнгө болгож байгаа зочдыг буруушаасан байна.

NUUTS.mn