Ерөнхийлөгчийн зурагтай сонинг “00”-ын цаасны оронд ашигласан этгээдийг эрэн сурвалжилж байна
Нийтэлсэн: 2018-05-23 02:28:04
.jpg)
Туркменистан хотын Гумдаг хотын цагдаагийн газар дээрээс ирсэн үүргийн дагуу ерөнхийлөгч Гурбангулы Бердымухамедовын зурагтай сонинг “00”-ын цаас болгож ашигласан этгээдийг эрэн сурвалжилах ажиллагаа эхлүүлж эрүүгийн хэрэг үүсгэжээ. 20 мянган хүнтэй энэ хотын нэгэн нийтийн бие засах газарт ерөнхийлөгчийн зурагтай сонингоор “юу яасан” хэрэг гарсаныг улстөрийн сонор сэрэмжтэй иргэд “дээш” нь шууд мэдэгдсэн байна. Өдгөө хотын цагдаа болон олон нийтийн эргүүлүүдэд нийтийн бие засах газруудад шалгалт хийж энэ мэт хэрэг зөрчлийг илрүүлэх нэмэлт үүрэг өгөгджээ. Өмнө нь Горглы гэдэг хотын дунд сургуулийн жорлонд ерөнхийлөгчийн зурагтай сонинг ашигласан хэрэг гарсан агаад захирлыг нь тэр дор нь ажлаас нь халсан. Сөрөг хүчний мэдэгдсэнээр ард түмний амьдрал доройтож ариун цэврийн цаас ч худалдан авах чадваргүй болсон тул ийнхүү сонинг хэрэглэх болсон гэжээ.
NUUTS.mn
