Нууц мэдээллийн уурхай

Английн баруун зүгт оршдог Клаус-Топ тосгоны дундуур гардаг хөдөлгөөн тасардаггүй, ачаалал ихтэй хоёр урсгалт замын яг дэргэдэх байшинг 32 настай Жим Дайк гэдэг энэ эр худалдаж авчээ. Хэдийгээр тосгоны дундуур 50км/цаг хурдтай явах ёстойг заасан замын тэмдэглэгээ бий  ч жолооч нар ерөөсөө дагадаггүй болохыг нүүж ирсэнээс хойшхи гурван долоо хоногийн тамлал харуулжээ. Жолооч нар бараг 100 км/цагийн хурдтайгаар бөөн дуу чимээтэй давхин өнгөрдөг нь эхнэр болон бяцхан хүүд нь маш хэцүү болжээ.
-Тэд тогтоосон хэмжээнээс 2-3 дахин их хурдтай явдаг. Бид нүүж ирэхээсээ өмнө ийм их хөдөлгөөнтэй, дуу чимээтэй гэж мэдээгүй-
Тосгоны захиргаа болон замын цагдаад хандсан ч тэд хуруугаа ч хөдөлгөсөнгүйд  Жим өөрөө асуудлыг шийдэхээр шийджээ. Тэрээр барилгын материалын дэлгүүрээс төмөр хоолойг шар айрагны аяганы гэрэлтдэг суурийн хамт 25 фунтээр худалдан авсан байна. Энэ  бүхнээ ашиглан хурдны замын хажууд байрлуулдаг хурд хянагч камертай тун төстэй хуурамч камер хийжээ.

-Хурд хянагч камерууд шар өнгөтэй байдаг тул дууриалган шараар будсан-
Англид энэхүү камераар хурд хэмжиж дүрэм зөрчсөн болон жолооны ард гар  утсаараа ярьсан зэрэг зөрчлийг баримтжуулан авдаг. Ингээд “камераа” замын хашууд хашаан дотроо зоожээ.
-Хэдийгээр манай хашаан дотор байгаа ч яг л жинхэнэ юм шиг харагддаг-
Камераа байрлуулсан өдөр л үр дүн нь шууд мэдрэгджээ.

-Би хагас сайны орой байрлуулахад дуу чимээ тэр дороо л шууд багасаж байгаа нь мэдэгдсэн. Хурд хэтрүүлсэн зарим жолооч нар бүр зогсож камерийг гайхан харж байсан. Тэд ингээд л эрхээ хасууллаа гэж айсан байх-
Тосгоныхон Жимийн санаачилгыг бүрэн дэмжжээ.
-Тосгоныхон маань их баяртай байгаа. Одоо болтол хэн ч “камерийг” эвдээгүйд би бүр ч их баяртай байна-
Гэхдээ тэд энэ заль нь удахгүй илрэх байх гэдгээс айж байгаа гэнэ.

NUUTS.mn